بقلمي / ضوء القمر 💫
و أمنحنا يقينًا يُشبه يقين الأطفال بأنّ الجروح كل الجروح تُشفى بمُجرد تقبيلها .
سد حسام الخط و هو يشوف الازعاج على وجه ايهم
حسام : اهدى ان شاء الله اكو حل ثاني
ايهم بعصبيه : على منور تضحك حسام ما سمعت كلامه ماكو امل راح ابقى أعمى كله بسبب بنت الكلب بس لو الزمها
حسام : أعصابك الانفعال مو زين
ايهم بسخريه : ليش و شنو راح يتغير اذا ما تعصبت
حسام : و شنو الي راح يتغير اذا تعصبت خلي أملك ب الله جبير و اكيد ميخذلك
سكت ايهم و هو يحاول يلزم دموعه كدامهم
ايهم : اريد انام صعدني للغرفه حسام
كام حسام و اخذ ايهم ل غرفته ساعده ينام و تركه نزل يم زمرد وصاها عليه و راح للشركه صعدت زمرد كعدت كدام ايهم الي ما حس بوجودها و بده يبجي ب هستيريا كامت زمرد مسحت دموعه و لزمت ايده
زمرد : كول يا الله هذا اختبار الك من رب العالمين حتى يشوف اذا راح تلجأ اله او لا
ايهم بخنكه : تعبت
زمرد : لتخاف متأكد ان رب العالمين ما راح يعوفك و راح ترجع تمشي و تشوف بس ادعي
ايهم بتعب : يارب
ضلت زمرد ويا ايهم إلى أن نام و بدت علاقتهم تتحسن نوعا ما بيوم جانوا كاعدين يتريكون دك فون زمرد كاكا بسرعه حتى ترد وره شويه رجعت و هيه متوتره حس ايهم بتوترها
ايهم : شبيج
زمرد : ها لا ماكو شي
ايهم : منو المتصل
زمرد : ااا هاي هاي ريتاج صديقتي رادت نطلع بس اعتذرت منها
ايهم : اها تمام
سكت ايهم و هو لسه شاك ب زمرد وراها شي اجى حسام كعد وياهم ع السفره
حسام : صباح الخير
ايهم و زمرد : صباح النور
ايهم : شبيك هيج فرحان
حسام : عندي هواي اخبار حلوه بشنو تحب نبلش
ايهم : اي شي
حسام : اوك مبدئيا الشركه الروسيه قبلت تتعاقد ويانا و بشروطنا و المده سنه
ايهم : حلو عاشت ايدك
زمرد : مبروك
حسام : الله يبارك بيج
ايهم : شنو باقي الاخبار
حسام : الخبر الأول الدكتور الي راح يسوي عمليه ظهرك كال ان ممكن نهايه هذا الشهر تسوي العمليه بس لازم تروح تسوي فحوصات جديده
ايهم بفرحه : صدك تحجي
حسام : يي نعم يعني راح ترجع تمشي اما الخبر الثاني الدكتور الألماني اتصل بالدكتور على و كاله اكو حل ل حالتك و هي استبدال العين بالكامل و هسه هو ديدور على نسيج مطابق ل نسيجك حتى تسوي العمليه
انربط لسان ايهم من الفرحه و حسام و زمرد يضحكون عليه لزمت زمرد ايده
زمرد : مو كتلك الله ميعوف احد
ايهم بصوت مبحوح : الحمدلله
حسام : زين يالله اني اطير للشركه
زمرد : الله وياك
راح حسام للشركه يكمل شغله بس فجاءه تفكيره راح يم ازل اشتاق الها و ل غبائها قرر وره دوام الشركه يروح يشوفها يم مدرستها و فعلا راح و ضل ينتظر شافها طالعه بس مبين باجيه راح عليها
