بقلمي / ضوء القمر 💫
- أحيانا تكون الأيام هادئة وأنت المضطرِب .
تقربت منه و همست يم اذانه
زمرد : سامحتك ايهم سامحتك على كلشي
طبعت بوسه خفيفه على خده و ابتعدت عنه اجت الممرضه و نطت ل زمرد صندوك
الممرضه : هذي كل متعلقات المتوفي الي لكيناها وياه
زمرد : تمام شكرا
طلعت زمرد و بيدها الصندوق و حسام وراها كمل حسام كل الإجراءات القانونيه و تم دفن جثه ايهم قررت زمرد تلزم عده باعتبارها لسه على ذمته و فعلا ضلت لمده شهرين ب بيتها متطلع ولا تشوف احد غير ازل الي صارت بشهرها الثامن بيوم جانت زمرد كاعده و تذكرت الصندوق راحت طلعت و فتحته جان بيه فونات ثنين واحد فونها القديم و الثاني فون ايهم و سلسله محفور بيها اسمها ابتسمت ب ألم و لبستها فتحت المحفظه و جان بيها صوره الها و مبين جديده ابتسمت بحزن رجعت كلشي للصندوق و ظمته اتصل بيها حسام كال الها ان راح يزورها هو و ازل كامت تحضر الضيافه بعد أقل من ساعه وصلوا حسام و ازل كعدوا و قدمت الهم الضيافه
حسام : زمرد اكو موضوع لازم احجي بيه وياج يمكن الوقت مو مناسب بس ضروري
زمرد بقلق : تفضل
حسام : حاليا انتي الوريث الشرعي و الرسمي لكل ممتلكات ايهم و الشركه تحتاج احد يديرها تعرفين اني اغلب الوقت منشغل بالقضايه الي تجيني و مو كل وقتي الها لذالك فكرت ان انتي اديريها
زمرد : بس حسام اني ما راح اعرف
حسام : بس اني عندي ثقه بيج عمي و ابويه الله يرحمهم تعبوا حيل إلى أن اسسوا هاي الشركه و إني و ايهم هم تعبنا حتى نكبرها و توصل ل هل شهره و تصير الها فروع بكل مكان بالعالم واني متأكد ان انتي كد هاي المسؤليه
زمرد بتردد : تمام بس لازم تكون وياي ع الاقل فتره حتى اتعلم
حسام : اكيد ما راح اعوفج بالنهايه اني محامي الشركه و وجودي ضروري بس كتلج اني مو كل وقتي متفرغ للشركه
زمرد : تمام
حسام : شي ثاني
زمرد : شنو
حسام : لازم ترجعين تعيشين ب بيت ايهم
توتر زمرد و هي تتذكر كل المواقف الي مرت بيهن بذاك البيت
حسام : لتخافين ايهم غير كلشي بالبيت اتوقع حتى ما راح تعرفيه
زمرد : تمام
و فعلا رجعت زمرد ل بيت ايهم جان فعلا كلشي بيه مختلف استقبلها الخدم بكل احترام و هي حبت تتعامل وياهم على طبيعتها فترت زمرد بالبيت إلى أن وصلت ل مكتب ايهم دخلت و سدت الباب راحت كعدت على مكتبه فتحت الإدراج جان الدرج الأول عباره عن أوراق تخص الشغل فتحت الدرج الثاني و جان بيه سلاح و مجموعه ادويه استغربت من وجودهن فتحت الدرج الثالث و جان بيه مجموعه دفاتر طلعتهن و بدت تقلب بيهن و جانن عباره عن مذكرات ايهم من اول يوم رجع اله بصره بدت تقرأ و دموعها تنزل الى ان وصلت ل اخر صفحه لزمت الدفتر الثاني و كملت قرايه جان بفترته وجودها بالمستشفى جانت كل كلمه مكتوبه بندم حقيقي شالت زمرد الدفاتر و طلعت راحت للغرفه جان كلشي بيها مختلف من اثاث و ديكور و الوان رتبت ملابسها و جهزت نفسها حتى ثاني يوم تروح للشركه ويا حسام و فعلا بلشت زمرد شغل بالشركه و جان اسلوبها حلو و لين و هذا الشي خلى الكل يحب التعامل وياها و صارت الشركه تكبر اكثر و اكثر مرت سنه و زمرد كدرت أدير الشركه بصوره ممتازه بيوم جانت كاعده بالمكتب دخلت السكرتيره
السكرتيره : مدام زمرد اكو وحده شكلها اجنبيه برا تريد تشوفج ضروري
زمرد : تمام دخليها
راحت السكرتيره دخلت البنت و جانت وحده من المومس الي ايهم عاشرهن و بيدها طفل عمره أشهر كعدت و حطت رجل على رجل
المومس: If you are the wife of Ayham Al-Marwani Emerald ( اذا انتي زوجه ايهم المرواني زمرد)
زمرد : Yes, who are you? ( نعم من انتي)
المومس بضحكه خليعه : I am one of his prostitutes and unfortunately I got pregnant by mistake ( انا إحدى عاهراته و للأسف حملت منه بالغلط)
زمرد : What's the proof that this kid is Ayham'S son? ( ما الدليل ان هذا الطفل ابن ايهم)
المومس : I don't have evidence, but anyway, I'm going to leave the baby to you that I didn't want him, and which one refused to pay for the abortion. ( ليس لدي دليل لكن بكل الاحوال سأترك الطفل لك اني لم أكن أريده و ايهم رفض دفع تكاليف عمليه الإجهاض)
زمرد : That's easy. ( بهذه السهوله)
المومس : yes, that's how easy it is, you know, what made me hate this kid was that anyone was yelling your name while he was me.( اجل بهذه السهوله اتعرفين اكثر ما جعلني اكره هذا الطفل ان ايهم كان يصرخ باسمك و هو يضاجعني)
كامت المومس طلعت و تركت زمرد بصدمتها كامت زمرد راحت للطفل شالته و جان فعلا يشبه ايهم حيل وكأنه ايهم مصغر ابتسمت اخذت الطفل و راحت ل مكتب حسام دكت الباب و دخلت بعد ما سمعت اذن الدخول اول ما حسام شاف الطفل ضحك
حسام : منين الج هذا الدبدوب الحلو
كعدت زمرد و حجت كلشي صار ل حسام الي جان مصدوم
حسام : وانتي صدكتيها بسهوله
زمرد : ما اتوقع انها تكذب لان لو الها غايه جان طلبت فلوس أو أي شي بس هيه تركت الطفل و راحت و بصراحه احس الطفل يشبه ايهم
حسام بابتسامه : فعلا يشبه ايهم و هو صغير
زمرد و هي تحضن الطفل : صدك
هز حسام راسه و زمرد ضحكت قرر ان تتبنى الطفل و يكون ب اسمها و اسم ايهم كلفت حسام ب هذا الشي حتى يكون للطفل أوراق رسميه رجعت زمرد للبيت بعد ما شترت كلشي ل طفلها من ملابس و العاب و عطور و قرر تخلي اله غرفه خاصه و تصميمها بنفسها بعد يومين اتصل حسام بيها
حسام : أوراق الطفل كامله بس بقى الاسم شنو راح تسمي
صفنت زمرد على الطفل شويه و هي حايره بعدها ابتسمت
زمرد : غيث غيث ايهم المرواني
حسام : تمام
سدت الخط و هي تباوع على غيث الي جان يلعب حضنته و كامت كعدت ب البلكونه الخاصه بغرفتها و غيث بحضنها فتحت اخر دفتر من مذكرات ايهم و بدت تقرأ و جان عباره عن تعبير ل حب ايهم الها ابتسمت ب ألم و تمنت يكون ايهم عايش حتى تسامحه و يرجعون سوه بس هي متقبله القدر و تحمد الله أن نطاها نسخه مصغره ل ايهم
مرت سنه كامله
كبر غيث و بده يفتهم و جانت زمرد دائما تعلمه ان ايهم ابوه و لازم يحبه
اما حسام و ازل ف صار عدهم تؤم ولد و بنت و قرر يسمى الولد ايهم و البنت غزل
و استمرت الحياه...
يتتتبع🥺
البارت الجاي مفاجئه 😂
لا تنسون 👈⭐➕👤👉
الحياه مش هتستمر الا بالتجاوزات لازم تتجاوز ندمك وانهزامك وحزنك وتتجاوز بعض الاشخاص احياناً .
