بقلمي /ضوء القمر 💫
كانت عَينيها تَشبهُ مئةُ عاماً منْ الأمانْ .🤍
طلع حسام حضر ملابس ل ايهم بينما ايهم حلق لحيته و هو يتذكر شلون جانت زمرد تحلق بخوف اله طلع من الحمام لبس الملابس الي اختاره حسام و راحوا للمستشفى جان قلب ايهم ينقبض كل ما يقربون من غرفه ثلاجه الجثث إلى أن وكفوا كدام الباب
حسام : حاول لا تتأخر
هز ايهم راسه و دخل للغرفه جانت جثتها ممدده على سرير المشرحه و مغطيها ب جرجف ابيض سحب ايهم الجرجف ب ايد ترجف و من شاف وجهها بده يبجي
ايهم : اسف زمرد اسف سامحيني اعرف الندم جاء متأخر بس سامحيني جنت متصورة مثلها بس انتي احسن منها و مني
تقرب طبع بوسه خفيفه على شفتها و طلع من الغرفه تلكاه حسام
حسام : خل نروح للمقبره و المستشفى راح ادز الجثه
تحرك ايهم بدون ولا حرف راحوا للمقبره و بعد ساعه وصلت سياره الإسعاف الي بيها الجثه راح ايهم اخذ جثه زمرد و ضل شايلها إلى أن حفروا القبر نزل ايهم للقبر و هو شايل الجثه نزلها للارض على كيف و حجى بهمس
ايهم : اعرف اني غلطان بس انتي قلبج طيب و احسن مني سامحيني
طلع ايهم من القبر و دفنوها جان قلب ايهم يوجعه يحس اكو شي غلط بس ميعرف شنو
مرت سنه اتزوجوا حسام و ازل بيها اما ايهم ف جان دافن نفسه بالشغل و بالليل يروح يكعد يم قبر زمرد جان يسوي هواي أعمال خيريه ب اسمها بيوم جان ايهم كاعد ب مكتبه يشتغل اندكت الباب و دخلت السكرتيره
السكرتيره : استاذ ايهم اكو واحدع تريدك برا
ايهم بدون ما يرفع راسه : دخليها
السكرتيره : حاضر
دخلت مره عمرها ب 50 سلمت و كعدت رفع ايهم راسه و شافها مره شكلها حلو و مبينه طيبه ابتسم بتكلف
ايهم : شنو تشربين
المره : لا شكرا اني جيتك بطلب صغير
ايهم : تفضلي
المره : اني سمعت ان انته تسوي أعمال خيريه هواي
ايهم : صحيح
المره : اني اشتغل ب ملجاء للأطفال و صاحب الملاء يريد يبيعه و يشرد الأطفال و هذول أيتام ما الهم احد ف كلت بلكي انته تشتري حتى يبقى الملاء للأطفال
ايهم : اتركيلي عنوان الميتم و ان شاء الله باجر اجي و اتفاهم ويا صاحبه
المره بفرحه : كثر خيرك يمه الله يفتحها بوجهك و يرزقك بنت الحلال
ابتسم ايهم للدعوه نطاها ورقه و قلم سجلت عنوان الميتم و راحت اتصل ايهم بالسكرتيره الي رأسا دخلت اله
السكرتيره : نعم استاذ
ايهم : اجلي اي مواعيد عندي باجر
السكرتيره : بس استاذ باجر اجتماع الوفد الروسي و هذا الاجتماع مهم
ايهم : خلي حسام يحضره و اذا مشغول اجليه على غير يوم
السكرتيره : تمام
