بقلمي /ضوء القمر 💫
أنتَ أول ضَيم يچويني وأريدهَ ..
بعدها رجعوا للبيت ثاني يوم اجى حسام و فهم زمرد شلون تسوي علاج طبيعي ل ايهم و هي فهمت بسرعه بس خالد جان لسه مستمر ب خططه الخبيثه و اجى حتى يزور ايهم و يطمن عليه مثل ما جان يدعي و قبل ما يروح نطى أوراق ل زمرد و أكد عليها لازم تخلي ايهم يوقعهن جانت زمرد متوتره و خايفه متريد تشترك ب شي تندم عليه بعدين قررت تبلغ حسام ثاني يوم جانوا زمرد و ايهم ب الحديقه و زمرد تسوي علاج طبيعي ل ايهم الي لسه ما غير نظرته عنها و يتصرف وياها ك جاريه تخدمه نطت زمرد العلاج ل ايهم و بهاي الثناء اجه حسام
حسام : صباح الخير
زمرد و ايهم : صباح النور
حسام : اشوفك اليوم احسن
ايهم : ي الحمدلله بس لسه مدا أكدر امشي
حسام : العافيه درجات
جانت زمرد واضح عليها القلق و الشرود ناداها حسام اكثر من مره و ما انتبهت اله لزم ايدها فزت و باوعت عليه
حسام ب استغراب : شبيج زمرد مو على بعضج
زمرد : هاا اا لا لا ماكو شي شويه تعب
حسام : خلص اصعدي ارتاحي اني هيج هيج باقي يم ايهم مالي خلك اروح للشركه
زمرد : تمام
كامت زمرد جانت تمشي على كيف و هي تفكر بشي التافت فجاءه و نادت حسام
زمرد : استاذ حسام ممكن تجي دقيقه
استغربوا حسام و ايهم راح حسام بينما ايهم ضل ينتظر حسام حتى يعرف زمرد شنو تريد
حسام : خير زمرد
زمرد ب توتر : ممكن تجي وياي لحظه
حسام ب استغراب : تمام
مشت زمرد بسرعه و حسام وراها صعدت للغرفه وكف حسام ب باب الغرفه طلعت زمرد الأوراق و نطيتهن اله
زمرد : اني قريت هاي الأوراق بس ما فهمت شي منها و بابا طلب مني اخلي ايهم يوقعهم بدون ما ينتبه
كلب حسام بالاوراق شويه
حسام : هاي أوراق تنازل و تسليم منصب رئيس شركه و بيع و شترى المفروض بين ايهم و ابوج
زمرد : والحل
حسام ب ابتسامه : لتخاف اني اتصرف
مشى حسام خطوتين بس وقفه كلامها
زمرد : ممكن ايهم ميعرف يعني الموضوع يبقى بيني و بينك
حسام : تمام
نزل حسام و راح يم ايهم و هو مستغرب من تصرف زمرد ابوها شيطان بس هي ملاك ابتسم و هو يتذكر ملاكه الراحل بس قطع أفكاره صوت ايهم
ايهم : شرادت منك
حسام: بخصوص كليتها تريد ترجع اداوم
ايهم بانزعاج : كالتلي و كتلها لا ليش تحب تلح
حسام : ترا حقها هذا مستقبلها و إني و انته نعرف اذا رجعت تشوف اول شي تسوي راح تطلكها و تطردها و ابوها اكيد ما راح يستقبلها خلي البنت تأمن مستقبلها هاي اخر سنه الها
ايهم : افكر
