بقلمي / ضوء القمر 💫
نحن لا نتعلم بالنصيحة نتعلم بالوجع .
ايهم : شلون ما فهمت
حسام : اكيد راح يزوجك بنته حتى تثق بيه باعتباره حماك و اي ورق راح يجيبه الك هو او بنته راح توقعه بسرعه بدون تردد بس احنا راح نلعبها ضده اي ورق راح يجيبه الك دزه الي راح العب بيه بطريقه تخلي يتنازل عن كلشي يملكه الك بطريقه قانونيه 100%
ايهم : شلون عرفت كل هذا
حسام : لان ماكو واحد ينطي بنته ل شخص مشلول و فاقد البصر اله اذا اله غايه
ايهم : طيب شراح اسوي
حسام : عادي تتزوجها و تتونس وياها مثل ما جنت تتونس ويا بنات الليل و عوف الباقي عليه
ايهم : تمام
و فعلا وره يومين رد ايهم خبر ل خالد أنه موافق يتزوج بنته بس بشرط أن يكون عقد قران بس بدون عرس و هوسه و خالد وافق فورا بينما زمرد من عرفت انهارت حيل
مر اسبوع كامل و اجه اليوم المنتظر يوم عقد قران زمرد و ايهم جانت زمرد مغيبه عن العالم و مصدومه متنكر ان ايهم شخص وسيم و اكيد اي بنت تتمناه بس مو بهاي الحاله بده الشيخ يردد مراسيم العقد و سأل الطرفين عن الموافقه و تم العقد و صارت زمرد زوجه ايهم بعد ما راح الشيخ
حسام : موضوع عقد المحكمه خلي عليه
ايهم : تمام
خالد : طيب احنا نتوكل حتى تاخذون راحتكم
حسام : هم صدك
جانت زمرد تباوع بخوف للكل و كأنها طفله تايهه و خايفه زاد الخوف بداخلها من بقت هي و ايهم وحدهم جانت تباوع بكل الاتجاهات اله الاتجاه الي ايهم موجود بيه بعد مده من الصمت قطع ايهم الهدوء
ايهم : ساعديني اصعد للغرفه
زمرد بتوتر : حا حاضر
كامت بسرعه و دفعت الكرسي المتحرك بالاتجاه الي ايهم كال الها عنه وصلوا للغرفه و انبهرت زمرد بجمالها رغم طغيان اللون الاسود عليها بس جانت حيل حلوه و مميزه وصلت زمرد ايهم للسرير و ساعدته ينام عليه و راحت كعدت على القنفه الي بالغرفه ضلت صافنه على حياتها شلون بخلال اسبوع تغيرت و انتهت دك فونها فزت شافت الرقم الي يتصل و جان ابوها ردت ب استغراب
زمرد : الو
خالد : ها بشري صار شي بينكم
زمرد و هي تباوع على ايهم النايم : لا
خالد : حاولي تخلي يتقربلج لتضلين غبيه
زمرد بخجل : حاضر
خالد : اسمعي زين راح ادزلج أوراق باجر تخلين ايهم يوقعهم باي طريقه مفهوم
زمرد : حاضر
سدت الخط و هي تحس بخوف و قلقل من تصرفات ابوها هي تعرف ب خبثه و خبث زوجته و اكيد راح يدبرون شي ل ايهم بغض النظر عن أن هي متعرفه بس هذا زوجها هسه و لازم تمنع اي أذى عنه تمددت على القنفه و نامت من تعب التفكير حست ثاني يوم على صوت ايهم و هو ينادي عليها
ايهم : هي انتي وينج
كامت بسرعه راحت يمه
زمرد : محتاج شي
