بقلمي / ضوء القمر 💫
" أنا مُتعب ، هذا كل ما أستطيع أن أشرحه لك ."
جانت خايفه ان ايهم يطلكها و تضطر ترجع يم ابوها الي اكيد حاقد عليها بعد ما كالت ل حسام على كل خططه الخبيثه بس جانت اطمن نفسها انه اكيد ما راح ينسى رعايتها اله و اهتمامه بيه بس ما جانت تعرف شنو الي راح يصير وياها مر الشهر بطئ على الكل
و اخيرا سوا ايهم العمليه و نجحت جانت الفرحه مو طبيعيه ل ايهم و حسام كال الدكتور ان بعد اسبوع يالله يكدرون يفتحون ضمادات عيون ايهم و فعلا مر اسبوع بسرعه و حماس على ايهم جان متحمس ل فكره ان راح يرجع يشوف و ما راح يحتاج مساعده احد اجى الدكتور جورج
جورج : Mr. Ayham, are you ready? ( استاذ ايهم هل انته مستعد)
ايهم : Yes, I'm so excited. ( نعم انا متحمس جدا)
جورج : That's great to start with, then.( هذا رائع ل نبدأ اذا)
بدا الدكتور يشيل الضمادات عن عيون ايهم بده ايهم يفتح عيونه على كيف جان يشوف بس بشكل مو واضح يحس اكو غواش على عيونه جان يحاول يضبط أنفاسه من الفرحه
جورج : How many fingers did he show in front of you? ( كم عدد الأصابع التي اظهرها أمامك)
ايهم : 4
جورج : Now
ايهم : 2
جورج : Mr. Ayham, we can say now that you have recovered your look perfectly. ( استاذ ايهم نستطيع أن نقول الان انك استرجعت نضرك بشكل ممتاز)
ايهم : But I feel like the vision is a little blurry. ( لكن أشعر أن الرؤيه غير واضحه قليلا)
جورج : This is normal now, but with treatment and instructions, your eyesight will gradually become normal (هذا طبيعي الان لكن مع العلاج و التعليمات سوف يصبح نظرك طبيعي تدريجيا)
ايهم : thank you doctor ( شكرا دكتور)
راح الدكتور جورج و ايهم حضن حسام من فرحته
ايهم : حسام اريد مرايه
حسام : ثواني
راح حسام و وره شويه رجع بيده مرايه أخذها ايهم و بده يباوع ل نفسه جان فرحان حيل
ايهم : وأخير راح ارجع لحياتي الطبيعيه
حسام : واخيرا اني راح ارتاح
ايهم : ههههه ماكو راحه راح تبقى وياي بالشركه
حسام : معناها اخذ راتبين
ايهم : ليش يمه
حسام : ب اعتباري محامي الشركه و نائب مدير الشركه
ايهم : افكر
بعدها ب ايام طلع ايهم من المستشفى و قرر يكضي كم يوم ب برلين يغير جو خصوصا بعد ما رجع نظره بعدها حجز حسام تذاكر رجوعهم ل بغداد و فعلا بعد 5 ساعات وصلوا مطار بغداد نزلوا من الطياره
حسام : بما أنك رجعت تشوف روح للبيت وحدك
ايهم : وانته
حسام : مشوار اكضي و ارجع احتمال بالليل امر عليك
ايهم : تمام
اخذ كل واحد منهم تكسي و انطلق ل وجهته راح حسام على المنطقه الي ازل ساكنه بيها نزل بالفرع و بده يمشي شافها من بعيد و هي هم شافته بس ما باوعت عليه جانت منزله راسها تقرب حسام منها بس فجاءه فقدت الوعي لزمها حسام برعب قبل ما توكع
