Good Boys and Bad Boys [Translate Fic]

Taking Shots and Preparing the Performance

Part 8
Taking Shots and Preparing the Performance
ခွက်ပုန်းချခြင်းနှင့်တင်ဆက်မှုအတွက်ပြင်ဆင်ခြင်း

ချန်ယောလ်က သင်္ချာအချိန်တွင် ဘောပင်ကို တတောက်တောက်ခေါက်ကာ စိတ်မရှည်စွာထိုင်နေသည်။ သင်္ချာချိန်ကိုမြန်မြန်ပြီးစေချင်ပြီ။ ဂျောင်ဆူးနဲ့လည်းတွေ့ချင်လှပြီ။သက်ပြင်းချရင်း နာရီကြည့်လိုက်တော့ နာရီဝက်တောင်လိုသေးသည်။

"ဘတ်ခ်ဟျွန်း ငါအရမ်းပျင်းတာပဲ သောက်စရာလေးဘာလေးမရှိဘူးလား"

"ရှိတာပေါ့ တစ်ခုလောက် သောက်ရအောင်"

ချန်ယောလ်တိုးတိုးလေးမေးလိုက်ပြီးတာနဲ့ ဘတ်ခ်ဟျွန်းက တက်တက်ကြွကြွပြန်‌ဖြေပြီး အိတ်ထဲက ပုလင်းအသေးလေး နှစ်ခုကိုထုတ်လိုက်သည်။ ပုံမှန်အအေးပုလင်းထဲတွင် အရက်ထည့်ထားခြင်းဖြစ်သည်။ အရမ်းပြင်းတဲ့အရက်တွေမဟုတ်ပေမဲ့လို့ ခံစားချက်တွေကို ပေါ့ပါးသွားစေနိုင်စွမ်းတော့ရှိသည်။

ဘတ်ခ်ဟျွန်းက ပုလင်းကိုချန်ယောလ်ဆီလှမ်းပေးတော့ ဖွင့်ပြီး အနံ့ခံကြည့်လိုက်သည်။ ချန်ယောလ်အကြိုက်ဆုံးအရက်ဖြစ်နေတော့ ပြုံးလိုက်သည်။ ဘတ်ခ်ဟျွန်းက ချန်ယောလ်အကြိုက်ကို ကောင်းကောင်းသိသည်။

"၁..၂... သောက်မယ်"

ချန်ယောလ်က တိုးတိုးလေးပြောလိုက်ပြီးတာနဲ့ နှစ်ယောက်လုံး တစ်ငုံဆီသောက်လိုက်ပြီး ပုလင်းကို စားပွဲပေါ်ချကာ ပြုံးလိုက်မိကြသည်။ အရက်မှန်း ကိုယ့်အပေါင်းအသင်းတွေကလွဲပြီး ဘယ်သူမှ မသိတဲ့အကြောင်း သတိထားမိတော့ ကျိတ်ရယ်ချင်စိတ်တွေက ထိန်းထားမရတော့။ သူတို့ခေါင်းကို တစ်ခုခုနဲ့လှမ်းပစ်လိုက်တာ မခံရမချင်း ကျိတ်ပြီးရယ်နေမိကြသည်။

"အား"

"ဘာတွေက အဲ့လောက်ရယ်စရာကောင်းနေတာလဲ"

"မ..မဟုတ်ပါဘူး တီချယ်"

သင်္ချာဆရာမကလှမ်းမေးတော့ ဘတ်ခ်ဟျွန်းက စပ်ဖြဲဖြဲနဲ့ပြန်ဖြေသည်။

"ဒီကလေးတွေကတော့ ကျောင်းနောက်ကျမှပြန်ပြီး အပြစ်ပေးခံချင်လို့လား"