Good Boys and Bad Boys [Translate Fic]

Max and His Slaves

Part 10
Max and His Slaves
မက်စ်နှင့်နောက်လိုက်များ

နေ့လည်စာစားချိန်ဖြစ်သည်။

"ဆယ်ဟွန်းနီး ကျွန်တော် သန့်စင်ခန်းသွားလိုက်ဦးမယ်"

"အင်း မြန်မြန်သွားနော် နေ့လည်စာယူထားပေးမယ်"

လုဟန်က ဆယ်ဟွန်းလက်မောင်းကိုကိုင်ထားရာကနေ ဖြုတ်လိုက်ရင်းပြောတော့ ဆယ်ဟွန်းကပြုံးပြီးပြန်ပြောသည်။ လုဟန်က ပြုံးရင်း သန့်စင်ခန်းကိုလျောက်သွားသည်။ ဆယ်ဟွန်းကအရမ်းသဘောထားကောင်းတဲ့လူပဲ။ ဒါပေမဲ့  ဆယ်ဟွန်းနှင့်အခုလိုနီးကပ်နေရာတာကို လုဟန်က သဘောမကျပါ။ လုဟန်က ဆယ်ဟွန်းကို သဘောကျပေမဲ့ ဆယ်ဟွန်းဘက်က သဘောမကျလောက်ပေ။ ဆယ်ဟွန်းက ယောက်ျားချင်းစိတ်ဝင်စားနေရဲ့လားပင် မသေချာပါ။

သန့်စင်ခန်းဝင်ပြီး လက်ဆေးနေချိန်တွင် လုဟန် ပခုံးပေါ် လက်တစ်ဖက်ရောက်လာသည်။

"မင်း မမြင်ဘူးလား ဒါယောက်ျားအိမ်သာ မိန်းကလေးတွေရှိရမဲ့နေရာမဟုတ်ဘူး"

လုဟန်ကနောက်ကိုလှည့်ပြီး မက်စ်ကိုကြည့်လိုက်သည်။ သူ့သူငယ်ချင်းနှစ်ယောက်လည်းပါသည်။ သူငယ်ချင်းဆိုတာထက် သူ့နောက်လိုက်ခွေးတွေလို့ပြောလို့တောင်ရသည်။

"ဒီမှာ မင်းမှာ ဘယ်လိုပြဿနာရှိနေလဲ ငါမပြောတတ်ဘူး
ဒါပေမဲ့ ငါကယောက်ျားလေး အမျိုးသားတစ်ယောက် ငါ့မှာ ယောက်ျားအင်္ဂါရှိတယ် ရင်သားတွေမရှိဘူး
အဲ့ဒါကြောင့် ငါက ယောက်ျားလေးတစ်ယောက်ပဲလေ"

လုဟန်က မက်စ်ကို ပြုံးပြရင်းပြောလိုက်သည်။

"အခု မင်းငါ့ကို သွားခွင့်ပေးမယ်ဆိုရင် ငါထမင်းစားဖို့သွားရတော့မယ်"

"ငါတို့က ဘာလို့မင်းကိုသွားခွင့်ပေးရမှာလဲ"

"ဆယ်ဟွန်းက ငါ့ကိုစောင့်နေတယ်
ငါကြာနေတာကို သတိထားမိသွားရင် သူလိုက်လာပြီး မင်းတို့ကို ထိုး လိမ့်မယ်
ငါ့ကို လွှတ်ပေးလိုက်တာ မင်းတို့အတွက်ကောင်းမယ်ထင်တယ်"

"အိုး အခုငါ့မှာ ဆယ်ဟွန်းနီးလေးရှိနေပြီဆိုတော့ ငါမက်စ်ကို အာခံလို့ရပြီ လို့များတွေးနေလား"