Part 18 - 2
Happy Birthday, Baby
"ချန်း ကျွန်တော်ဘာဝတ်ရမလဲ မသိဘူး"
ဂျောင်ဆူးက သူ့အိပ်ယာပေါ်မှာ Boxer တစ်ထည်တည်းဝတ်ထားကာလှဲအိပ်နေသည့် သူ့ကောင်လေးကိုလှမ်းမေးလိုက်သည်။ ချန်ယောလ်ရဲ့အဲ့ဒီပုံစံက ဂျောင်ဆူးကို ဘာမှအာရုံစိုက်လို့မရအောင်ဖြစ်စေသည်။ ချန်ယောလ်က အခုထိ သူဘာဝတ်မလဲဆိုတာပြောမပြဘဲ လျှို့ဝှက်နေတုန်းဖြစ်သည်။ ချန်ယောလ်က ဂျောင်ဆူးကို ညနေစာအတူစားရန် အပြင်ခေါ်သွားပေးမည်ဖြစ်သည်။ ဂျောင်ဆူးက မွေးနေ့တွေဆို အိမ်မှာပဲ ရင်းနှီးတဲ့သူငယ်ချင်းတွေနဲ့ အတူကုန်ဆုံးချင်သော်လည်း ချန်ယောလ်ကတော့ ညစာထွက်စားရန်ပဲပြောနေသည်။
"ဒီ ဂျင်းအနက်ရယ် ရှပ်အဖြူရယ် လည်စည်းအနက်ရယ် ဝတ်လိုက်"
ဂျောင်ဆူးဘီရိုထဲက အဝတ်တွေကိုရွေးပေးနေရင်း ချန်ယောလ်ကပြောပြီး သက်သောင့်သက်သာဖြစ်စေမည့် ဖိနပ်ကိုပါရွေးပေးလိုက်သည်။
"ပြီးတော့ ဒီ Nike ဖိနပ်စီး...
ကိုယ် ပြန်လာခဲ့မယ် အရမ်းစွဲဆောင်မှုရှိအောင် ပြင်မထားနဲ့နော်"
ချန်ယောလ်က ဂျောင်ဆူးနားရွက်ဖျားလေးကို ကိုက်ရင်းပြောလိုက်သည်။
"ငါးမိနစ်ပဲကြာမှာ..."
ချန်ယောလ်က သူ့အဝတ်အစားတွေကိုယူရင်း အဝတ်လဲရန် ရေချိုးခန်းထဲဝင်သွားသည်။ ချန်ယောလ်ရွေးပေးထားသည်များကို ဝတ်လိုက်ပြီး လည်စည်းကို လည်ပင်းမှာ တင်ထားလိုက်သည်။ ဆံပင်ကို ချန်ယောလ်သဘောကျသည့်ပုံစံအတိုင်း ဂျယ်လ်နဲ့ပုံသွင်းလိုက်ပြီး စွဲဆောင်မှုအရှိဆုံးပုံစံဖြစ်အောင် ပြင်လိုက်သည်။ နားကပ်ဝတ်လေ့မရှိပေမဲ့ နားပေါက်ရှိပြီးသားဖြစ်သောကြောင့် အနက်ရောင်နားကပ်ကို ဝတ်ပြီး မှန်ကြည့်လိုက်သည်။ အရမ်းမိုက်နေတဲ့ ကိုယ့်ပုံစံကိုယ် သဘောကျသွားပြီး အင်္ကျီလက်များကို တံတောင်အထိ ခေါက်တင်လိုက်သည်။ လည်စည်းကိုလည်း သေချာစည်းလိုက်သည်။
"ဘေဘီ အဆင်သင့်ဖြစ်ပြီလား"
ချန်ယောလ် ရေချိုုးခန်းထဲကလှမ်းမေးတော့ ဂျောင်ဆူးက ပြုံးရင်း အဆင်သင့်ဖြစ်ကြောင်းပြောလိုက်သည်။ ရေချိုးခန်းထဲကထွက်လာပြီး ဂျောင်ဆူးတစ်ကိုယ်လုံးကို နေရာလပ်မကျန်အောင် စိုက်ကြည့်နေသည်။ ခန္ဓာကိုယ်ရဲ့ တစ်လက်မစာလေးတောင် လစ်လပ်မကျန်ခဲ့အောင် သေချာကိုကြည့်နေတာဖြစ်သည်။
YOU ARE READING
Good Boys and Bad Boys [Translate Fic]
Fanfictionတက်တူးတွေ နားကွင်းတွေရှိပြီး အရက်သောက် ဆေးလိပ်သောက်တဲ့ ဘဲကြီး ပတ်ချန်ယောလ်ရဲ့ အားနည်းချက်က သူ့ထက်သုံးနှစ်ငယ်တဲ့ ကောင်လေး ဒိုဂျောင်ဆူးတဲ့လေ တက္တူးေတြ နားကြင္းေတြရွိၿပီး အရက္ေသာက္ ေဆးလိပ္ေသာက္တဲ့ ဘဲႀကီး ပတ္ခ်န္ေယာလ္ရဲ႕ အားနည္းခ်က္က သူ႕ထက္သုံးႏွစ္ငယ္တဲ...
![Good Boys and Bad Boys [Translate Fic]](https://img.wattpad.com/cover/302874231-64-k780114.jpg)