لقلبك جزاء وأنانيتي نصيب "مكتملة"

لقلبك جزاء وأنانيتي نصيب

مناقشة قبل البارت ..
مساء الخير ي حلوين ♥️..

المفروض كنت أنزل بارت على طول بس لازم نتناقش في شوية حاجات الأول ومننساش ..

" إختلاف الرأي لا يفسد للود قضية "

أولاً :- نفتكر سوا صخر عمل في نجمة أيه ؟!

كدب عليها بخصوص أهله .. طيب ما هي كدبت بخصوص أهلها
مكدبش بخصوص سليم .. هي كدبت وقالت أنها وحيدة ونفت وجود سماوات وشمس
بيهتم بالمظهر ف رفض يعلن جوازهم في مجتمعه .. ما هي مقالتش لأهلها أنها أتجوزت وبتقل منهم أنهم فلاحين

نيجي لنجمة المظلومة أم خمستاشر سنة اللي من وجهة نظر بعض طفلة وصغيرة "صح ياللي في بالي 😂 يا ام خمستاشر سنة"

ثانياً :- خمستاشر سنة أيه اللي صغيرة ؟!

لا مش صغيرة أنها تميز بين الصح والغلط .. ولما هي صغيرة وافقت تتجوز عناد في عمار أزاي ورجعت هربت
خمستاشر سنة في جيلنا بقت تتجوز وتخلف .. وتحب وتقابل وتعمل حاجات أنا وبعض الصالحين نستعجب ليها وأزاي "طبعاً قصدي بعض الشخصيات مش كله "
بعدين لما يكون ليها توأم يختلف ومحدش يفهم ده غير التوأم بس لأن نسبة تعلقهم ببعض تفوق اي اخوات طبيعين .. أزاي جالها قلب ؟!

ثالثاً :- شمس بعبع ؟!

واحده أختها توأمها سابتها ومهنش عليها تقول لمامتها أخواتي معايا أو مش هسيبهم
سنين وكبرت وعقلت وبرضو مرجعتش لأخواتها غيررررر وقت مصلحتها
نجمة كلمت اخواتها عشان مصلحتها ..
ولما سماوات ماتت نجمة فكرت في نفسها أكتر ما زعلت على أختها فبأي حق شمس تسمحلها تشوفها

افرضوا شمس صدقت نجمة وكانت اختها ادفنت قبل ما تودعها حتى بطريقتها ومحدش يقول الاتنين أخواتها لأن أختي اللي عاشت معايا على الحلوة والمرة ومسابتنيش متتقارنش بواحدة بمنتهى الأنانية ذي نجمة

لو حد شرير فهو نجمة مش شمس

يا ريت نبطل نتعامل مع الشخصيات على أساس ده البطل ف نحبه ودي ست ذينا ف نحبها
الحياة مش كده
الحكم على الناس مش كدة
عندنا عقل نفكر بيه في كل شخصية ونميز مين الحلو ومين الوحش ♥️🥀

قراءة ممتعة حبيباتي ♥️
★★★★★★★★★★★

الفصل الثاني وعشرون

جلست شمس وبجانبها نجمة تمسك يدها وتبكي لكن الأخرى صامدة جامدة لم تعد تتحرك بعدما خرجت من عند أختها .. وصل زوجها الذي أتصلت به قبل ساعة ..

رنت عليه وبعد ثواني أجاب قائلاً : حبيبتي اللي وحشاني أوي

شمس : ممكن تجيلي أنا في مستشفى ****

قاسم بقلق : مالك يا شمس في أيه

شمس : تعالى وأنت تعرف .. مستنياك