لقلبك جزاء وأنانيتي نصيب "مكتملة"

لقلبك جزاء وأنانيتي نصيب

الفصل الثلاثون

جلست في القاعة المخصصة للمسافرين وسندت بيديها بجانبها تتابع ذاك القادم وذاك الذاهب بشرود .. فاقت على صوت هاتفها لتنظر لاسمه ثم أجابت

ناردين : أيوة يا صخر

صخر بعصبية : عملتي اللي في دماغك برضو يا ناردين .. ارجعي واقصري الشر

ناردين باستغراب : شر ؟ أنت بتتكلم جد

صخر بغضب جحيمي : لو مفكره إنك كده بتلوي دراعي بيكي وأني مقدرش أعيش من غيرك فاعترفلك بحبي غلطانة يا ناردين أنا مبيتلويش دراعي فارجعي

انهمرت دموعها لتردف : دي فكرتك عني يا صخر .. أنا هثبتلك أنها غلط

صخر بتوعد : مستنيكي

ناردين : أنا مش راجعه يا صخر واللي بينا أعتبره أنتهى لأن الظاهر عمرك ما هتعرفني بجد

تألم قلبه وشعر أن أحدهم يقبض عليه بلا رحمة فهمس باسمها : ناردين

أغلقت الخط والهاتف لتجد نداء خاص بالطائرة التي سوف تسافر عليها فاتجهت للبوابة المخصصة لها وسافرت ناردين ...

★★★★★★★★★★★★★

ارتجفت يد صخر بحزن وهو يترك الهاتف بعدما اقسمت مايا له أنها لم تأتي لها وهو لا يعرف أي من أقاربها .. سند رأسه بحزن على الطاولة وفتح الهاتف على صورتها

عمار بقلق : صخر أنت كويس

رفع رأسه ونفى بحزن ليردف : دي بتقولي مش راجعه .. مترجعش أزاي أنا مبقدرش أقوم من النوم غير لما أسمع صوتها بتناديني في أدق من كده

ابتسم عمار قائلاً : يا ابني واللهِ أنت غرقان فيها لشوشتك

صخر : مش عارف بس كل اللي أعرفه أني عايزها تكون عندي بأي طريقة .. عمار ناردين روحي هي نفسي أنا مش طايق نفسي لأنها زعلانة مني وبتقول مش هترجع

وقف قائلاً : دا أنا أقتلها وأموت نفسي وأقول يدفنوها معايا

علت قهقهات عمار الرجولية قائلاً : حالتك ميئوس منها

صخر : أعمل أيه اقترح عليا أوصلها أزاي ؟

عمار بخبث : مش قالت مش هترجع يبقى خلعت

صخر : يا نعم دا أحنا بينا عيلين وأنا ابنها الكبير لا مستحيل تعملها .. دا أنا أتجنن وراها

عمار : شوف هي عايزة أيه وأعمله ليها جايز ترجع

صخر بغيظ : يعني أنا عارف أوصلها عشان أعمل أنت كمان .. أة يا غيظي منك يا سردين الكلب بالله لما أشوفك لهتشوفي وش أوقح من سابقه

عمار بضحك : حيلك حيلك أوقح أيه مش بتتقال كده

صخر : تدري يا عمار يا خوي البت سردين دي موتها وسمها وقاحتي وأنا هعرفها ... تعرف هي عكس نجمة في كل حاجة قولي أنت قادر تتعامل مع أخت نجمة اللي هي مراتك