الفصل التاسع وعشرون
تجمع الشباب في غرفة واحدة بعدما ذهب صخر وزوجته وبالتأكيد لم يخبر أحد نجمة بوجوده بناءاً على طلب شمس منهم هذا وأنها سوف تقول لها في الوقت المناسب
عمار بهدوء : هي التقارير الطبية الخاصة بسماوات معاك يا قاسم
قاسم : لا معملناش أي تقارير طبية
عمار بأمل : أزاي ؟
قاسم : أصل لو كنا اتأخرنا كانوا أثبتوا أنها سماوات مش نجمة وكان صخر عرف
عمار بحدة : صخر دخل على مراتي ؟
قاسم : أيوه بس شاف وشها من بعيد وأنا قولتله طالما ماتت اتحرمت عليك ولأنه مش فاهم في الدين قد كده صدق
نجمة وهي تفرك يديها : في حاجة لازم أقولها وكنت بدور على شمس النهاردة عشان أعرفها بس كانت في المقابر .. أسد لفت انتباهي ليها
شمس بضيق : خير
لم يهتم عمار وقاسم حتى سمعاها تقول : أنا وسماوات مكناش لوحدنا في العربية كانت معانا بنت تالته
التفت لها الثلاثة لتتسع أعين شمس بأمل خاب حين قالت : بس اللي كانت في المشرحة أختي اكيد التالته مش نفس الوش
نجمة بتوتر : لا نفسه يا شمس
عمار بصدمة : أزاي ؟ قصدك اللي كانت معاكم كانت شبهكم ولا بتهزري
نجمة : أيوة لأنها .. قمر أختنا الرابعة
قاسم بأعين تضيق : قصدك إن ممكن اللي ماتت تكون قمر ولا قولتي كدة ليه وبعد ده كله
نجمة : لا مش قصدي كده وكنت نسيت أمرها أساساً ومفكرتش فيها خالص إلا لما أسد جاب سيرة السواق وأنا وسماوات بعدين سماوات اتخبطت قدامي في الطوبه في راسها من ورا وروحها طلعت قدامي وكمان بدلت خاتم جوازي بخاتمها
شمس بهدوء رغم دقات قلبها العالية : بس المستشفى قلعت ليكم الإكسسوارات مش فاكرة حاجة تانية
نجمة : هتفرق يعني ؟
شمس بدموع : أيوة هتفرق
فكرت نجمة قليلاً وضيقت عيناها لتجد أسد يدخل وجبينه مجروح فاتجهت شمس له بلهفة ترى ما به فصرخت نجمة قائلة : أيوة افتكرت سماوات جبينها كان متعور من خبطة الازاز الأولى بس قمر وشها كان ذي ما هو بس الإزازة دخلت بطنها كلها أنا حتى فكرت أزاي تفضل عايشه وسما تموت
نظرت شمس لقاسم ليردف الاثنان في نفس واحد : مكنش في جروح في وش سماوات
نظر الاثنان لبعضهما ثم لها لتردف شمس : أسد روح لتيته قولها تحطلك لازقه
خرج الصغير فاردف قاسم : أنا لما دخلت أنا وصخر وشها مكنش في حاجة نهائي
لم تعد شمس تشعر بقدميها فجلست لتردف : هو اللي أنا فهمته صح ؟
أنت تقرأ
لقلبك جزاء وأنانيتي نصيب "مكتملة"
Fiction généraleعلاقة باردة & علاقة كاذبه حين تكون البداية خاطئة لن تكمل حتى وإن فعلنا ما بوسعنا فأساس العلاقة أهم من كل شيء هو حنون عكس أخاه هاديء وناضج يعرف ما يقوله وكيف لا يجرح ما حوله عكس أخاه الصاخب الغاضب دائما ولا يهمه أحد سوا نفسه وأحلامه يتجنب أن يحمل...