مساء الخير
أزيكم ي قمامير .. البارت فعلاً نزل واتمسح بسبب واحد زعلت عشانه وهو النهاردة العيد، هيرجع ينزل إن شاء الله ذي ما هو وبدون تعديل نهائي ليه بقى ؟أول حاجة رأي البعض على راسي أوي بس أنا مقولتش لحد يقرألي .. الكل بيقرأ بمزاجه ودايما متوقع الجديد في كل مرة
يلا نتناقش في النهايات
١. ناردين تبقى تمام وترجع لصخر لمجرد أنه خلاص عرف أنه عايزها ويعيشوا في تبات ونبات ؟ ازاااي
أنتِ تقبليها على نفسك يالي محموقة أوي ؟ تقبلي واحد بعد ما قل منك وهانك ترجعيله وتكمليخلاص عملت النهاية كدة ؟ يجي واحدة تقولي ما هي معدومة الكرامة 😒 وأنا ارد واقولها يا عدوة النجااااح يا مستقصداااااني وهي الصراحة معاها حق
بس منقدرش نقول لو أي واحدة مكان ناردين متسامحش لأن صوابعنا مش ذي بعضهارأيي غير رأيك غير رأي روان حرباية غير رأي سوسو غير رأي المتخلفة منه ♥️.
٢ . ناردين تفضل مشلولة وصخر يشيلها ؟ ناردين تفضل طول عمرها عاجزة لدرجة إيدها مش هتقدر ترفعها والاسم النهاية سعيدة
طب ناردين ذنبها أيه تتعذب يا عاقلين يا ناضجين ؟ وهل في راجل لو بيعشق مراته يستحملها كدة طول عمره ؟ حتى لو كان أيه دي مش نهاية عادلة٣ . صخر ماااات ؟ يا حلاوتك " لا تخرج قبل قول سبحان الله "
ناردين تكمل باقي عمرها متعذبة متشوفش لحظة هنا وسعادة لمجرد فلانة عايزة نهاية سعيدة وبالنسبة ليها دي النهاية السعيدة .. والتعيسة لناردينأنتم بتفكروووا ازاي ؟
انا عملت النهاية العادلة للكل ومينفعش نهاية غير كدة ولا نهاية حد عاقل يستوعبها غير دي ..بصوا كل واحدة تنادي مامتها وتقعد تحكيلها الحكاية والقصة وما فيها كأن واحدة حقيقية عايشة معانا مش رواية وشوفي ردها أيه ؟
هتقولك : لا حول الله يا بنتي متستاهلش اللي حصلها بس يلا أهو ربنا رحمها .. عمر ما اللي فيه طبع هيتغير ونصيبها كانت هتترمى رمية الكلابدا الرد الحقيقي .. أنا مبعملش رواية تقرأيها وتقلبي على اللي بعدها ولا استفدتي أي حاجة غير تكرار السناريو
كل رواية عجبتكم ليا أنا لما بقرأها حالياً بقرف من نفسي .. ازاي أكتب كدة فين المنطق ؟
عشق الرعد .. اللي يعتبر أس شهرة سماء أحمد أنا نفسي أعدلها بس مبيجليش نفس أقرأها
غيره وغيره وغيره بحس إني عادية بكتب رواية فعلاً مش قصة تعيش ومتتنساش
الحوار مش ناضج
السرد بلح
الأحداث فيها بعض الأوڤر "أيوة أنا بنتقد نفسي 😂😒"
بس أهو يعني حاجة طلعت من بنت خمستاشر سنة متوقعين تطلعها على أكمل وجه
بكرة وبعده وبعده هقرأ الرواية دي بمنظور جديد وهسأل نفسي أنا كتبت ده ؟أديني بنضج معاكم وأتمنى محدش يزعل وأختلاف الرأي لا يفسد للود قضية
شكراً للي قرألي ومتابع مع سماء في كل حالاتها
وشكراً برضو للي معجبوش منظوري لكل حاجةوفي النهاية كلكم قلباااااي 😂♥️♥️♥️♥️
البارت هيرجع ينزل بليل تاني بدون تعديل وحسب التفاعل عليه هنزل الخااااااتمةةةةةة ♥️.
بحبكككم .. ♥️*************************
أنت تقرأ
لقلبك جزاء وأنانيتي نصيب "مكتملة"
Ficção Geralعلاقة باردة & علاقة كاذبه حين تكون البداية خاطئة لن تكمل حتى وإن فعلنا ما بوسعنا فأساس العلاقة أهم من كل شيء هو حنون عكس أخاه هاديء وناضج يعرف ما يقوله وكيف لا يجرح ما حوله عكس أخاه الصاخب الغاضب دائما ولا يهمه أحد سوا نفسه وأحلامه يتجنب أن يحمل...