الروايه: - وهل لنا في الحلال ميعاد ( انتفاضة العشق)
رحيل القوافي ...37
الحلقه السابعه والثلاثين ......
احب اشكركم من كل كلبي على كلامكم ودعواتكم الحلوه
بسبب هل شي كلبي ما انطاني اعوفكم بدون بارت بس اتحملوني اذا اتاخرت عليكم
شكر مره ثانيه حبايب كلبي ....❤️❤️
...................
رد ... اي ليش مايعجبج
رديت ... اي ما احب اكل على الميز احس متقيد والله احس يلزم ايدي مايخلني اكل
ضحك وكال .... اني هم ما احب اكل على الميز بس عبالي انتي من هذني البنات المايعات واله ياكلن على الميز ومن هاي السوالف
رديت عليه ... يااا لاتظلم بختك اني شكل وحده مايعه ودور ميوزه
رد وهو يغمز ... ولج يابه انتي كتله من المياعه ونازله على غوحي ياغوح غوحي وبعدين ولج اشنوو الميوزه الي ادوريها حضرتج
رديت بعد فهم واني اشر على الميز .... غير هذا
ضحك ضحكه وتقرب حضني من خصري
وكال ..... ول يابه غضباني ابقي هيج بداعتي
رديت .... هو اني باقيه وقابل شمسويه
رد ... لا سوين انتي هيج تخبلين
خليت شعري ورا اذاني وكتله ... غريب لاتحرجني
رد .... دخيلووو الي يخجل ول غضبان استري علينه ترئ الله وكيلج كوه لازم روحي عنج لا تتدلعين
خليت عيني بعينه وكتله ... هو شلون ادلع
رد .... ماعلمج حتى لاتطلع عينج
ضحكت وكتله .... والله قديم انت اني طلعت عيني من زمان هواي كلش.
ابتسم ابستامه جانبيه وقربني اله اكثر .... اي وشلون طلعت عينج مدام وشوكت
رديت .... قبل يومين تعرف شنو عرفت
رد ..... شنو عرفتي
رديت .... اكو مكان اسمه ملاهي هاااا وشنو هذا بي بنات استغفرالله هااا ايركصن ووو يكولن ملابسهن مو مستوره
عضني من شفتي حيل وكال .... مين متعلمه هاي السوالف اني شكايل
رديت .... هنه البنات يسولفن واني غصب عني اكعد اسمع الهن ترئ الشغله مو بيدي يكتلني الفضول
باسني هل مره بس حيل قويه ابتعد وكال .... والله هجران اذا مره ثاني سمعت بيج مكتشفه وسامعه سالفه ما هاي السوالف اطيحووو الحظج صار معلوم
رديت ...... اي صار بس انت هم اطلع عيني جاي
رد ... ليش بويه اشنو قايل قدامج
رديت عليه واني ادنك .... مو تبوسني وتحضني هاي مو طلع عيني
رد ... ول جمرتي هاي ماطلع عينج بيها هاي اتغزل بيج بيها لا تشبكين الامور لا اشبكها عليج
باوعت للاكل وكتله .... برد واني ما احبه بارد
رد .... عوف الدلع مشي ناكل متحبه بارد المدام
تمتمت بيني وبين نفسي اقلد عليه .... متحب البارد الطاوس المغرور
كرصني من خصري حيل وكال .... اتعلمي من تاخذين غيبة واحد احجي بينج وبين نفسج
أنت تقرأ
وهل لنا في الحلال ميعاد ( أنتفاضة العشق)
Любовные романыلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
