الروايه: - وهل لنا في الحلال ميعاد ( انتفاضة العشق)
رحيل القوافي ....33
الحلقه الثالثه والثلاثين
لا شي يؤذي الروح اكثر
من بقائه عالقه في مكان
لا تنتمي اليه
............
مجنون لو صاحيه
طفله لو جبيره
عاشكه لو مهجوره.
عيونها تحجي
وضعها يحجي شي
تمسكها بالبدله رفضها انو تنزعها ادل على أخلاصها للراح
بس عيونها وبيجها وطلبها لبقئ غيلان ادل على حب عقيم .
هي شنو ومنو عاشكه لو ضايعه
ولهانه لو مفجوعه ...
غسان حاول ايهدي الوضع ويبعد جومانه عن غيلان لان نظرات دندوشه ماطمن ابد.
اخذها وهو يحاوطها بذراع ويهدي بيها بس منو ايهدي العاشك غيلان منو ايطفي نار كلبه
نوبات اتمنئ اعرف غيلان كلبه من شنو مخلوق شلون يكدر ايحبها كل هذا الحب ومتحمل وضعها وهي لابس لابيض علمود شخص ثاني.
انسحبو الكل وبقينه بس اني ويا باوعلي وكال ... ترحين هس للنجف لا اني حيل تعبان ومحتاج جلال الدين.
هزيت راسي بـ اي مشئ قبلي واني رحت اجيب جنطتي من جوه سمعت دندوشه
تكول .... انت بالذات مايحقلك اتقول اي شي
رد عليه بصرامه ... وليش مدام
ردت عليه ... من يومو الخطبت هاي الشيعيه واني غسلتو ايدي منك حركتو القلبي عفت بناتنه مثل الورد وتاخذ هاي.
رد عليها ... هو اني لان اريدو يحرك قلبج اخذتها بس خاطر اموتج كل ما شوفيها كبالج هيج احس براحه.
.... دنكت راسي وطلعت يعني ما ماخذني حبن بي لا بس علمود يحرك كلبها طلعت وشفت عيلان يمسح بدموعه اااخ غيلان اني احس بنارك ويجوز ناري تحرك اكثر منك.
طلعنا للسكن اخذت غراضي وبوجهنه للنجف الطريق كله ساكتين وكل واحد همه شكل غيلان كل حسره ايذبها تشك كلبي شك متت من القهر عليه
وصلنا وجان الدنيا ليل وكف بالباب
كتله ... انزل ارتاح
رد ... لا ماريد انزل انتي بس صيحي جلال الدين خلي انروح اني ويا للامام بلكت ارتاح شويه.
هزيت راشي ونزلت نزلت غراضي ودخلت للبيت شافني عزيز علي اتفاجئ بيه وبوجودي بالبيت بهذا الوقت
كال... اشجابج هس شلون تجين
رديت عليه ... ماكدرت ابقئ وامي تعبانه
رد ... منو جابج
جاوبته واني اعرف راح ايطنكر ... غيلان جابني
عقج حاجبه وكال... جا رجلج ليش ماجابج
جاوبته ... غيلان راد يجي ايشوف جلال واني اجيت ويا.
طلع واني دخلت سلمت وبلغت جلال بغيلان رحت يم امي جانت نايمه ويمها حبوب المهدئ
بستها براسها وطلعت رحت الغرفتي طلعت موبايلي لكيت مكالمات من غريب غلست عليه طفيت الجهاز ونزلت جون كعدت يم بيبي وشؤذب
أنت تقرأ
وهل لنا في الحلال ميعاد ( أنتفاضة العشق)
عاطفيةلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
