الروايه: - وهل لنا في الحلال ميعاد ( انتفاضة العشق)
رحيل القوافي ...38
الحلقه الثامنه والثلاثين ....
سامع ونين الناي لو دردم بليل....؟
هيج انه اون عليك يالماخذ الحيل 💔💔
.............
يجي يمي ويكعد يصبر عليه وبس شسوي كلبي مجاي يقتنع وهو مادري شبي
معقوله قبل وبهل السهواله اتخله عني لو شنو
اليوم اخر يوم امتحان وجان لازم ارجع بي للنجف جعفر مادخل ويايه كال ... اخذي راحتج ودعي صديقاتج اني انتظرج بالباب.
خلص الامتحان جاي اطلع جان تجي غاده وكالت .... تعاي غريب متانيج بالمكتب
رديت ... شلون وجعفر
كالت .... معليج اني ادبرها يله تعاي
رحت وياها طايره مشتاقتله يكد رحمة الله
دخلت للمكتب جان واكف منتظرني
طلعت غاده وكال ... شنوو راح يصير
رديت ....مادري
رد .....وانتي شنو رأئيج قابله بالي حكمووو
رديت ....غريب ما اكدر ابني ساعتي على ساعدته غيري وعزيز علي حيل تعذب بهل الحب وجيهان صديقتي ماكدر اكسر بيها
رد ... واني عادي انكسر عادي انعاف ليش محد يبقئ ويايه لهل درجه قربي مكروه
اتقربت عليه لدرجه انفاسه تضرب بانفاسي كتله .... احله شي بالكون هو قربك وكسري فراگك يهد الحيل مني وامنيتي افارگ الدنيا وما افارگگ
باسني حيل وكال .... لا قابل بالفرگ بس كون شمين الهوئ قابل يول والله قابل
رديت ... راح تعوفني بسهول
رد ... خليها للوقت
سكتت كال ... راح ترحين اليوم
هزيت راسي بـ ...اي
حضني حيل كال ... احضنيني هجران الحضنه الاخيره
حضنته وبجيت هو بس حاضني ويشم بيه لزم وجهي وصار يطبع بوسات بكل وجهي
شمني من ركبتي حسيته فقد كلش بهل لاثناء دخلت غاده مفزوعه حتى ماهتمت المنظرنه
كالت .... على سريع امشي اخوج دخل
عدلت نفسي واني اباوعله هو ابد ما شال عينه مني جاي اطلع لزم ايدي وكال .... لاتستسلمين بسرعه تمسكي بيه هجران بدونج اضيع
هزيت راسي وطلعت ودموع ماوكفت على فراگ الحبيب
طلعت بره تلاكيت ويا جعفر رجعنه للشقه لمينه غراضنه وجعنه الدارنه
بس هل مره ماريده الرجعه لان عفت كلب مكسور هناك جان عايش على امل وهل لامل راح يسلبو منه
دخلت سلمت على الكل وصعدت غيرت ونزلت جوه جان وكت الصلاه ....
اكثر واحد بخوتي بالصلاه يتاثر واحس اكو شي بكلبه بس ضامه و دوم بالصلاه تنزل دموعه هو صادق ادموعه تنزل ويا كل كلمه ايكولها.
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
