الروايه: - وهل لنا في الحلال ميعاد ( انتفاضة العشق)
رحيل القوافي ....
الحلقه الثالثه ......3
ليش غادرت السفينه .. ؟؟؟
واني جايبلك بحر ...
............
رديت عليه واني ارفع وجهي عليه .... والله وداعت شؤذب اني موبيدي هي لصفنه تجي من وحدها اني ماروحلها
حسيته كوه لازم روحه لايضحك كال ... مره ثانيه من تجيج اطرديها لان اذا بقيتها راح اطردج وياهاا خوش
هزيت راسي وكتله واني امد شفتي ... خوووش
كال ... وهس ياله اطلعي بره
جاي اطلع وكفني وكال .... مياسه ابتعدي عنها اذا تردين راحتج.
درت عليه وكتله ... ليش هي حبابه
رد عليه بطرف خشمه ... بكيفج وهس يله اطلعي بره.
.... عابت ابو خشم شلون يطرد بيه ولا يكول انثئ رقيقه كلها حساس كدامه
طلعت واني ادردم وكفت بالباب اباوع يمنه ويسره شو غاده ماكو اليوم.
فززني صوته وهو يكول .... اشنو قصتج اتراقبين الطريق قبل الطلعه لو اشنو.
رديت عليه بدون ما اندار عليه ... رايحه رايحه ماراح اكل مكتب شنهي بويه اتكاطعت الوادم.
هز راسه وفات من يمي وكال ... حرام اذا افتهمت عليج اشنو تحجين.
طلعت منا واني ادور على البنات لكيتهم كاعدات بالحديقه شمرت كتبي وكعدت يمهن سئلتني غاده ... هاا شراد منج
رديت عليه واني اذكر شكله المعبس ... ماكو شي بس رزاله اكلتها واجيت.
حجت مياسه .... دخيل ربه شكد حلو ادفع عمري بس احصل نظره من عنده
هي تحجي واني احس كلبي انتفض على حجيها ليش انخبصت اني شكو بالموضوع هو مو ملكي ليش ضجت
ردت عليها جواهر ... اوووف لج اشنو الطول لو عرض صدره غير اذوب اذا احضنه.
خليت العبايه بين سنوني وحيل عضيتها اريد شي اطلع حركت كلبي بي
هس اني شعليه ليش محترك كلبي هو غريب وراح يبقئ غريب.
كمت من يمهن بحجة جوعانه لان راح يبقن يتغزلن بي واني اموت من القهر شلي بيها رحت جبتلي لفت فلافل خليته عليها عمبه هواي وياه بسبي ام الخمسميه
لان اتخبل اذا الببسي تخلص قبل الفه جنت اكل وادردم
كاعده على المسطبه والكتب يمي والجنطه بين قوسين ماخذه المسطبه كلها الي.
عضيت من الفه وشفتها جاي تخلص واني بعدني جوعان كعدت اعاتب بيها
شفت خيال خيم عليه وحجب عني الشمس
رفعت راسي شفته غيلان واكف بس كوه لازم نفس مايطكها بضحكه
كال .... شبيج ماتكليلي اشبيج صالي ساعه ادحگ عليج ماسكتي ولا دقيقه بس دردمين جنج عجوز مكسر سنونها وتتعارك ويا الحمه شلون تاكلها
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
