وهل لنا في الحلال ميعاد ( أنتفاضة العشق)

البارت الثالث والاربعين

الروايه: - وهل لنا في الحلال ميعاد ( انتفاضة العشق)
رحيل القوافي ...43
الحلقه الثالثه والاربعين

صرت حاير بين ألم جروحي
وبين ألم روحي 💔

..................

بالمرتين جنت مجبوره الاول جان بسبب جهلي والثانيه بسبب عشقه المجروح

ابتعد مني ويا طلوع الفجر سحب دشداشته وطلع من الغرفه بقيت بمكاني وبس دموع على خدي

صار الصبح واني علي نفس النومه ماتغيرت ابد وهو بعد ما رجع للغرفه ولاشفته

صارت الساعه بـ 9 كمت واني اجر بخياتي لحظات حسيت هذا حوبة معاذ بيه لان هو كال نفسي راح يبقئ بيج.

طلعت من الغرفه لكيته باب الغرف الثاني مفتوح اتمشيت اله لكيته نايم بيها

ضحكت معناها من اول ليله عزل فراشه عني دخلت للحمام غسلت جسمه غيمه مو جسمي.

طلعت لكيته كبالي واكف جان نفس غريب الي شفته اول مره غريب البارد الي معاني وجهه ابرد من الثلج وماينطي اي ردت فعل.

اتقرب مني وكال .... يوجعج شي
رديت عليه بضحكه .... منو الي يوجعها اني لو غيمه حدد انت جاي تسئل منو بالضبط

خزرني وكال .... اني شكم مره كايل لاجيبين اسمها على السانج.

رديت عليها ..... مو من حققك تمنعني ما طول البارحه عيشتها بجسمي معناها من حقي احجي وماتكدر تمنعني.

لزمني من ايدي حيل وسحبني للغرفه دفعني و صار فوكي شگ ثوبي وكال .... انتي ظاهر مو مال احترام اني حترمتج من سئلتج على حالج بس طلعت غلطان انتي مو مال احترام ابد شو تعاي.

..... بلمساته القاسيه وعيونه بعيوني كرهت روحي بسبب نظراته الي جان بيها شي غريب عبالك ينتقم مني لان ذكرته اني الجنت بين اديه البارحه مو هي.

ابتعد عني بس احس روحي جاي تطلع كعد عدل وكال بدون ما يباوع عليه .... انتي السبب كتلج بس ليله وحده بس ليله وحده انتي جبرتيني على هذا الشي الف مره كتلج لاذكريها كبالي لاذكريها تعرفين بسوايتج اليوم وعنادج دمرتيني ودمرتي روحج ويايه

شهكت وشهكتي لفتت نظره الي صارت عينه بعيني رد وبصوته لمحة خوف ..... شبيج يوجعج شي.

رديت عليه ..... ليش اني هيج ليش اعيش هيج شنو الذنب الي سويته حتى الله جاي ايعاقبني هيج عقاب

رد ولمحة الحزن انرسمت علي عيونه ..... تشوفيني عقاب الج

رديت ... لعد شنو اشوف انت جاي ادمرني شلون ترديني اسكت وانت بحضني وتلهج ابسم غيري اني احبگ من كل كلبي اعشق كلشي بيك صعب اشوفگ واحسگ تفكر بغيري اني جاي اموت بس على البطيئ

رد ..... من البدايه وانتي تعرفين كلبي مو ملكي وحياتي وهبتها الها وبس انتي الي اجيتي ودخلتي بحياتي بوجودج كدرت بس اكدر مافكر بيها ويخف عذابي شويه هذا السبب الي خلاني اتمسك بيج لان جنت ميت كل يوم اتعذب اكثر من القبله.