الروايه: - وهل لنا في الحلال ميعاد ( انتفاضة العشق)
رحيل القوافي ....23
الحلقه الثالثه والعشرين ....
كن قويه كدكتور يجري عمليه الدماغ
لمدرسه قد قال له يوم انه فاشل 😔😔
............
خلصت المحاضره بدو الطلاب يطلعون وكف كدامي
وكال ... تعاي اخذي اوراق الامتحان.
سكتت ومشيت خفت احجي هس ماكو احد غيري اله اني اروح اجيب الاورق.
دخل للغرفه ودخلت ورا كعدت على ميزه وكال ... ليش يابه ما تنتبهن على الدرس اشنو ماعاجبج يول.
رديت ... اني جنت منتبه وبالي كله يم الدرس بس دقايق صفنت انت لكفتني
رد ... عجل مره ثانيه ما صفنين تا لا افگس اعيونج.
هزيت راسي وتالي ويا الرزاله الي ماتخلص اتنهد وكال ... مياسه صديقتج عدها علاقه باحد لو لا
رديت ... لا ماعدها
كال ... عجل اريدج اتبلغيها اني معجب بيها اشنو رأيها.
... هي جمله متكون من ثلاث كلمات اني معجب بيها هو حچاها
اني روحي طلعت ليش ، كلبي وجعني ليش ، رجلي ماشيلني ليش.
عيوني غوشت والدمع بطرف رمشي ليش ، الساني نمل وماكدر احجي ليش
اااخ يمه اتمنيت امي هنا واشمر روحي بحضنها واطلع كل شهگ بكلبي
باوعت عليه وعيوني كوه لازمتهن ما يبچن
رديت واني صوتي يرجف .... انشاءالله اني ابلغها واردلك خبر مرخصتك.
جاي اطلع جرني من عبايتي باوع بعيوني وكال ... شبيج ليش هيج عيونج صارن
رديت ... مابيه شي دكتور مرخصتك.
سحبني من عبايتي وكال ... ومن شوكت صرت دكتور مو غريب.
رديت .. انت دكتور عدنه وغصب عني اكلك دكتور.
صغر عيونه وكال ... غضبان شبيج ليش احمر وجهج احجي تردين اخذج للمستشفئ.
هزيت راسي بالرفض ...
جرني من عبايتي وكعدني وكعد كدامي انطاني مي وكال بصوت هامس خله جسمي كله يكزبر .... شبيج ليش هاي الدموع هاي العيون الحلو مايلوكلو غير الضحك.
اطلقت سراح دموعي وصارت تزل وحده ورا الثانيه بدون توقف وعبالك داخلات بسباق منو تغلب
شهگاتي صارت تعله هو كتف اديه الصدره وبقئ ساكت
اتنهد وبعدها كال ... الله ياخذو الي سبب هل دموع
رفعت عيني وصارت بعينه رمشت وكعدت دمعه كتله ... لا تدعي عليه حرام
رجع كال ... عجل شبيج
سحبت نفس وكتله ... مشتاق الهلي
رد ... تردين اخذج اني وغيلان بنهاية لاسبوع.
رديت عليه ... لا ماكدر عرس غيداء بنهاية لاسبوع واني وعدتها اجي.
كمت من مكاني واني اترخص منه قبل لا اطلع كتله ... دكتور راح ابلغ مياسه بطلبك.
عفت وطلعت والنار تاكل بصدري
الحب شعور ماينوصف وصعب اوصفه بكلمات الخذلان وكسرت الروح
اصعب شعور وممكن ايمر بي اي انسان.
أنت تقرأ
وهل لنا في الحلال ميعاد ( أنتفاضة العشق)
Romansaلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
