الروايه: - وهل لنا في الحلال ميعاد ( انتفاضة العشق)
رحيل القوافي ....8
الحلقه الثامن ....
.........
الديره المالك بيها
هلا ... وحياك ... وشلونك ...
خلها الناسها .... وسااافر. 💔💔
........
رد عليه ... اي اجي بس انت كلي شوكت.
.... نهئ الاتصال وراح غيلان ايجيب غضبان درت وجهي لكيتها تفتر والبدله جبيره كوه تمشي.
ااخ من لحب والحقد شيسوي هي راح عقلها ماتحملت الصدمه
واني راحت روحي.
طول غيلان وبعدها انفتح الباب ودخل غيلان ورا غضبان
جانت تمشي وتثاوب وتسحل بجنطه
عثرت ورادت توكع صاحت ياعلي انتفضت حتى اساعدها بس غيلان جان اقرب من حاول ايساعدها رفضت وهي منعسه كالت .... لا تلزمني حرام بعدين ادخل جهنم وشؤذب ايكول عليها مو حلوه.
مشت خطوات وصاحت ... الحك غيلان جني هناك
رد عليها غيلان ... لا ولج هاي جومانه اخت اخويه
وكفت غضبان مستغربه وكالت ... وشنو هاي حزوره بليره ولي يربح ياخذ ليره كلشي مافتهمت.
غيلان خبث عليها مافهمها دخل وهي تمشي ورا
الحلو بيها بسرعه تخلي ثقتها بالناس وهذا الشي نوبات هم يجيب المصايب.
.......
اجه غيلان واخذني البيتهم جنت مطفيه من النعس بالطريق اخذتلي غفوه بس ماشبعت جان يمشي وامشي ورا شفت غيمه بالكاع الضوه متجه عليها بس شكلها ما مبين.
كملت طريقي دخل ودخلت ورا شفت نسوان وشباب كاعدين سلم غيلان واني سلمت ورا الكل باوع عليه بستغراب
اكو مره عجوز امبينه شخصيه بس مخيفه عبالك عراكه ومتخاف
سئلت غيلان وكالت .... دحگ ولك غيلان منو هاي البنت....؟؟
رد عليها غيلان .... جده هاي امانه عندي
ردت عليه ... امانتك على العين والراس راح تقعد عدنه
رد عليها ... لا بس اليوم هي كاعد بالسكن الداخلي بس اليوم احتركت عدهم الكهرباء والمحروسه تخاف يطلع الها جني.
باوعت عليه وهي تصغر عيونها عبالك تريد تعرف شنو بداخلي مشئ غيلان وكال ... تعاي اكعدي لاتبقين واكفه.
كعدت بس جنت حيل خجلان الكل ايباوعلي بنظره تسائل
هي لحظات وجان يدخل غريب فتحت عيوني على وسعهن واني اشوفه كدامي واكف.
جان اكو شاب كاعد كبالي كومه وكعد بمكان والشاب ماحجه اي كلمه كام بكل طاعه وهو ايقدمله القنفه.
سئلتني العجوز وجان اسمها دندوشه .... انتي منين شكلك مال اكراد.
رديت عليها بكل حترام وهدوه ... اني من النجف عربيه وامي كرديه
باوعت على غيلان بنظره غريبه من عرفت اني منين رجعت باوعت عليه
وسئلت .... اظاهر انتي اشبهين اهل امج من هاي اني طالعه شكره.
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
