وهل لنا في الحلال ميعاد ( أنتفاضة العشق)

البارت لاربعين

الروايه: - وهل لنا في الحلال ميعاد ( انتفاضة العشق)
رحيل القوافي ...40
الحلقه الاربعين .......

كوله من اشتاگ بالمغربيه
تصعد لربها الروح وترد اليه💔

سامع ونين الناي لو دردم بليل ..!!
هيج انه اون عليك يالماخذ الحيل

.................

ومايصير خاطرك اله طيب لاشيل همي راح ادعي ربي مثل ما زرع حبه بكلبي وخله يصير الهوئ التنفس راح ادعي ايطلعه من كلبي بس كون ابقئ احبه بس مو هواي شويه

صعب طلب هذا الطلب جدي كلبي مايطيني اطلب اطلع حبه من كلبي هذا اول دگت كلب و اول عشگ للروح و اول نسمت هوئ اكب ريتي.

..... كمت واني اودع اخر ذكرياتي ويا راح غريب وانتهت هجران بفراگه.

مشت الايام وايام كلها سود مابيها لون غريب بعد اخذ روحي ويا

معاذ رجع الحياتي وصار يحاول تقرب مني يكول ماتخسرين شي اذا اتعرفتي عليه

كل ما اشوف احس بروحي جاي اخون غريب جنت اتحجج الف حجه حتى ما اتواجد ويا بنفس المكان

اليوم واني بالجامعه اجتي هاله وعيونها حمر دم بهاي الفتره حيل قوة علاقتي بيها

بس ابد ماطرقت الموضوع اهلها ولا حجت بس دوم اشوفها صافنه لو تسئل اني الجاي اسوي صح لو غلط انتي اهلج مو اهل دين اني صح لو غلط

جنت ارد عليها واكول .... واني شلون اكول الجاي اسوي صح لو غلط بدون ما اعرف شنو هو.

.... فزيت على صوت شهگاتها عفتها تبجي واني صفنت لبعيد

كلمن همه شكل احس روحي مابيه حيل حتى اسمع هموم احد لو حزن احد البيه مكفيني

سكتت درت وجهي عليها ابتسمت من بين دموعها
خلت عينها بعنيي وكالت .... انتي هم موجوعه من كلبج مو

هزيت راسي بـ اي بدون كلام ....

ردت .... واني هم موجوعه بس اني وجعي ماله نهايه وراح يبقئ طول عمره هيج.

رديت .... كلشي بيدج انتي تكدرين تخلصين روحج من هذا الوجع

ردت ..... شلون هجران شلون البيه ماينحجي ...؟؟؟

رديت .... ماكو شي اسمه ماينحجي كلشي بهاي الدنيا اله حل لان اكو شي اسمه رب ومايعوف عبد حاير

رد .... ياريت هجران ياريت ادعيلي فدوه.
رديت .... على شنو ادعيلج ليش ماتحجيلي.

كالت بعيونه خجل وخوف ..... اخاف احجيلج وتعوفني اخاف تكولي اتسنكف اكعد يمج واخاف تكولين بعدي عني راح تخربين سمعتي هجران اني ماصدكت يصير عندي صديقه

تعرفين اني بفضلج صرت اصلي واخاف الله وحتى جاي اعاني هواي من اهلي لان انتي فتحتي عيني على هواي شغلات جنت غافله عنها