الروايه: - وهل لنا في الحلال ميعاد ( انتفاضة العشق)
رحيل القوافي ....16
الحلقه السادسه عشر......
هنيالها وهنيال
كلبك على حبك ..... 😍😍
...........
رديت عليه ... لا ماكدر اجي عندي امتحان باجر بس اذا ماصرت زينه اكولك وتعالو اخذوني.
حجيت وياها شويه وبعدها حجيت ويا شؤذب وسولفته على الي صار ويا غريب اليوم وشلون جان مقهور ويبجي عليها
حجيتله كسرت كلب غريب وشلون متلوع بنار الموده والحب
الي اجمل ما خلقه رب الكون
والي وهبه بداخل كل انسان الي هو الحب
دائما اردد بيني وبين نفسي واكول ربي لا تجعلني من الحاسدين اللهم امين.
بس اليوم اني حسدت ميته على هل العاشق الولهان على هل الفارس المجروح
على كميت الوجع الي يطلع من صوته وهو يصرخ بأسمها
ويا كل حرف منه تطلع ااااه كفيله تكسر الف ظلع مو بس كلب
هنيالج غيمه على كل هذا الحب.
وشؤذب كالعاده ينصحني بالابتعاد والمشكله كلبي تعلق بي وبعد صعب ارجع
شفت كدامي طفل مجروح مو رجل لا جان طفل صغير تعبان من كلشي.
ربي كال ورفقن بالقوارير
واني اكول ورفقن بالقلوب الطاهر اذا احبت بصدق وغريب واحد منهم.
الرجل حبه يختلف عن المره المره تنسئ وتتعايش واحب غير بس الرجال اذا حب يوافي وماينسئ حبه.
لليل ماكدرت انام الحد ما انطتني شهد حبايه براستول ياله شويه
خف الوجع جانت الساعه قريب الـ 12 ودك موبايلي جاوبته وجان يجي صوته بي بحة بجي وغصه كال ... شلون صرتي بعدج متوجعه
رديت .... شبيك ليش هيج صوتك
رد برود ... شلون صرتي
رديت عليه ... زينه وانت
كال ... تعبانه حيل
رديت عليه.... انت وين هس.
رد .... بأرض الله الواسعه
سئلته .. وين بالتحديد
رد ... اني هس بمكان هادئ حيل بس بي نسمت هوئ بارده من اشتمها ارتاح وترابها حاضن اعز من روحي بس هدوها يذبحني مشتاق الصوتها.
بلعت ريكي ودموعي نزلت ... انت بالمكبره هس
رد ... اي اني بيت عزيزة روحي غيمتي بس ماتغيب عني اااخ اليوم جبتلها هديه وحفرت حفره يمها وخليتها الها راح تاخذها مو...؟؟
رديت .... ارجع للبيت لاتبقئ هناك موزين عليك.
رد ... بس اني ما ارجع للبيت كل يوم هنا انام يمها شلون اعوفها وانام بفراش وراتاخ وهي متعلعله.
رديت عليه ... حجيك غلط هي هس بمكان احسن من العالم كله هي هس عد ارحم الراحمين واغفر الغافرين واسمع السامعين هي عد الي خلقها وخلق العالم
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
