الروايه: - وهل لنا في الحلال ميعاد ( انتفاضة العشق)
رحيل القوافي ....22
الحلقه الثاني والعشرين ....
شجاني وقشمـــرت روحــي
وكلت هالــوادم اتحبنــي
..........
رجع غسان ومن شاف غريب بمكان ضاج وكال ... عجل يابه غريب مكاني
رد عليه ... چثير تحجي دوختنه.
كعد غسان بس يدردم ويا غازي الي ايباوعلي ويباوع الغريب ونظراته تحجي ماعرف شنو كال الغسان حتى صار وجهه ينطي الوان.
خلصنه اكل البنات رادن يرحن للسوگ والولد ماعترضو رحنه
الولد حيل ايونسون ماعد الطاوس الي مايشارك باي نقاش وشقئ
شغله الوحيد بس يفشل.
فتنه المحلات مال فساتين صار عيني على فستات اسود فاقم جان حيل نازك وهادئ بي چاك توصل للفخذ والدلعه مال الصدر سبعه الصدر نص يبين من عنده
هذا البس ممنوع عدنه وجدي شؤذب يسمي لبس ماصخ وعيب
جنت كل شويه وباوعله اجتي غاده يمي وكالت ..... غريب يكولو اذا عجبج الفستان اخذي.
رديت عليها ... لا ولج شنو عجبني دشوفي شلونه
ردت ... شلونو قابل اشو ايجنن
رديت عليها ... لا يمه هذا مشلتح واحنه ما نلبس هيح
كالت ... هي حفله وبس بنات دخذي يمعوده .
رفضت واصريت على الرفض وخصوصه من عنده جانت عينه عليه مانزلها مني ابد دخلت غيداء تقيس فستان اجه يمي غسان
اشر على فستان وكال .... هجران هذا الفستان حلو راح يطلع عليج اخذي وعتبري هديه مني.
باوعت على الفستان الي يحجي عليه جان عباره عن طيحان حظ
جان كصير حيل وفوكاها بي چاگه الفتحه مال الصدر توصل للبطن شويه والشيالات مالاته خيوك رفيعه كلشي
وجان لونه احمر طوخ اطوخ من حياتي
جنت اباوع عليه مستغربه هاي يا طايحة حظ تلبسه وهو يفضح اكثر من ما يستر.
فززني صوته درت عليه واني اباوع بتعجب ... هاا غسان
رد ... اشنو هاا عجبج الفستان اني متاكد راح يطلعو عليج يجنن لان ماشاءالله انتي منا حمر وتلبيسين احمر اطلعين كتله من النار الي غاح تاكلوو
عقجت وجهي من حجيه ورديت عليه ... اسفه غسان بس اني ما لابس هيج هاي لاشياء ممنوعه عدنه.
درت وجهي وشفت غيلان واكف ويا غازي ويخزر بغسان الي ما اهتم الهم ابد ومشئ وخلاهم ورا.
كملنا كلشي وصعدنا بالسياره وغريب تغير مكان وصار بمكان غسان وشي اكيد كعدني ورا جان غيلان بصفه تجيت راسي على الكشن مالتهم
سمعت غيلان كال بصوت هامس ... عجل يابه اشمو غيحة غيره طايره.
دفعه غريب ورد عليه ... ليش ماتولي من يمي مو احسن.
رد عليه ... ليش ماتعترف وتفضو للموضوع.
رد عليه ... غيلان يابه دحگ بيه بوجهي وبعيوني زين منو راح تشوف بيهن.
أنت تقرأ
وهل لنا في الحلال ميعاد ( أنتفاضة العشق)
عاطفيةلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
