وهل لنا في الحلال ميعاد ( أنتفاضة العشق)

البارت الرابع والخمسين

الروايه: - وهل لنا في الحلال ميعاد ( انتفاضة العشق)
رحيل القوافي ...54
الحلقه الرابع والخمسين ......

قأرب مركبنا أن يصل إلى
محطاته لأخيره .....💔💔

...........

. اقره ودموعي تنزل ويا كل كلمه منه احسها طالعه من كلبه

بجيت بجي بيومها ماباجيته بكل حياتي
ثاني يوم امدد بغرفتي دخل عليه عزيز عليه وهو يكول .... اريد اعرف احنه وين غلطنه بتربيتج معقوله ماعرفنه نربيج.

اتفاجئت من عزيز علي كعدت وكتله .... شكوو شبيك.

رد ..... رجلج من يوم الي عفتي بي وهو داخل مستشفئ وحالت حيل تعبانه

كمت مفزوعه احس كلبي وكع مني صرت ابجي واتوسل بعزيز .... فدووو عزيز شبي شبي
اروح اي اروح

صرت احوم بالغرفه مثل المجنونه اطلع بغراضي واشمر بيهن وماعرف شسوي ماعرف

دخلت جيهان وغاده يردون يهدوني بس صدك فقدت اني ادري بي تعبان وعفته والله ادري بي

كال بالسانه .... هجران اني تعبان والله تعبان أرحميني

ضربت على وجهي حيل وكلت .... مارحمتك اني مارحمتك ياغربتي صرت ويا الدنيا عليك

دخل صادق وكال ... وعلى شنو هذا الطم منو الي مزقت الولد تمزق وطلعته مجنون والله ياهجران اذا كلتي اريد اروح اله اكسر رجليج

وهس احنه رايحين نشوفه والله خجلان منه شكله اختي رعنه ماتعرف تحتوي زوجه
لو اكله ماعدها تربيه وقللت من حترامك وقدرك كدامنه

عض اصبعه حيل وكال ... والله لو ما الله موصي ورفقا بالقوارير جان طلعت ضيم هذاك المسكين كله بيج.

همه يحجون ويلمون بيه واني بالي كله يمه
تحمحت غاده وكالت ... هجران مالها دخل بحالته هو تعبان من زمان بس من زوجو هجران تحسن حالتو بعد مابي شي بس هس صاير عندو تسمم حاد.

رد ... اي لو الاخت باقيه يم زوجها وتهتم بي مايصير بي تسمم

عافوني وطلعو الكل راح وبقئ بس جواد حتى جدي وابويه راحو يشوفو

واني مثل السمجه اتكلب البنات ويايه ويايه ما عافني ابد خطيه

بس شهد تحوس باوعتلي وكالت ... انتي مو تحبي ليش ماتحملتي تغئ هو مو بشع والله همه بشعو غريب ورده والله ليش عفتي.

ماعرف شكول هل مره ماعندي عذر هو تحملني هواي وكال كافي بس اهده واخذي عيوني بس اني لحيت لحيت عليه وحجيت عليه

اجتي غاده كعدت يمي وخزرت شهد بيبي جانت لابسه نظارتها جان كالت .... لاتخزريها يمه حقها تحجي وهي ماحجت شي غلط بعدين يمه الاخو غالي ولو يطلب ماي العين يرخص اله عوفيه على راحتها اخت ومحترك كلبها على اخوها.