الروايه: - وهل لنا في الحلال ميعاد ( انتفاضة العشق)
رحيل القوافي ....13
الحلقه الثالث عشر ....
الجلوس معك جمالها
كجمال اهل الجنه
الله كم اعشقگ ..... 😍😍
..........
رد عليه برود ... مادري يجوز يستحقها
حيل تنرفزت رديت عليه .... لو واحد من اهلك تقبل ايموت بهاي الطريقه
كال ... اذا يستاهل اي ليش لا
قاطعه غيلان ... لا غريب لاتحجي شي انته ماتعرفو اني اعرف اهلو زين واعرف كل عمامها مابيهم اذيه حتى غالي جان شاب طموح وحبه للدراسه خلاه ايكون مطمع احساد من الغير بس ابد مو الي جاي تحجي عنو.
ترخصت من يمهم وكمت عدهم ورا البيت حديقه كعدت على الصبه ونزلت دموعي اني حيل ضعيفه كدام جروح اهلي.
سمعت حركه يمي اندايت شفته كعد بس شويه بعيد عني
كال ... انتي ليش تنرفزين بسرعه لا وفوكاها الوجه ايصير طماطه.
باوعت عليه ودموعي تجري ... انت هواي مصختها لو شنو ايكون السبب بالاخير غالي شهيد وماجوز اله غير الرحمه
باوع بعيني وكال .... واني مجان قصدي شي كل الي جنت اريده انرفزج وبس لان شكلج ايصير حلو من اضوجين.
رديت عليه ... بس مو هيج
كال .. عجل شلون اغيضج.
رديت عليه ... بس غالي حيل غالي عندي
رد بهدوه كلش... ليش غالي عندج وانتي حتى ماشايفتو
كتله ... شؤذب حيل ايحبه واني احب شؤذب واذا شؤذب حب اني هم احب.
ابتسم ابتسامه خفيفه وكال..... عجل يابه هنيالو شؤذب على هل الحب.
باوعت عليه وهو جان عيونه على الزرع سئلته ... انت صدك ضابط مثل مايكولون الطلاب
رد .... اي
رديت عليه ... جااا شوكت تروح وانت لو بالكليه لو ويا غيلان.
كال .... ماروح من زمان عفتو بس نوبات اروح اسجل حضور لو من اضوج اروح ارتاح وافرغ طاقتي.
رديت عليه .... هاااا شلون ترتاح لان هاي ويايه وحده بالسكن سمعتها تكول الحبيبها من اجي اني اريحك يعني بالمركزه عدكم هي اكو بنات وترتاح.
جنت احجي طبيعي اشو هذا دار وجهي عليه بعصبيه وعيونه تخزر
كال ... عجل شكالولج عليه كو... لو م.... حتى اجيب بنات للمركز
رديت عليه بعدم فهم ... شكو شبيك اني بس سئلت من فضولي وبس.
رد عليه ... هاي البنيه لاتقربين من عدها ديري بالج منها
هزيت راسي حبيت اغير الموضوع سئلته .... اكول غريب
رد عليه بعصبيه ... كولي غضبان ام السان الفالت وبعدين شنو غريب العب وياج
رديت عليه بعفويه ... اوووي غريب عادي عادي
ابتسم وعيونه صارت بعيوني كال بصوت بي بحه جنن ... احجي يول شعندج
جاوبته .... شنو ناوي اسمي ابنك.
كال .... اكلج بس ديري بالج تكولي لاحد خصوصا غسان لان ماخلص من السانه
هزيت راسي اله رجع كال ... جنت في زمن الماضي احلم اسمي ابني حبيب.
وراح هذا الحلم ويا بقيت الاحلام.
أنت تقرأ
وهل لنا في الحلال ميعاد ( أنتفاضة العشق)
Romansaلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
