وهل لنا في الحلال ميعاد ( أنتفاضة العشق)

البارت الخامس والاربعين

الروايه: - وهل لنا في الحلال ميعاد ( انتفاضة العشق)
رحيل القوافي ...45
الحلقه الخامسه والاربعين ...

شكرااهتمامك المؤقت
اجببته جدا 💔🌹

............

هز راسه بالموافقه طلعت من يم الستيج ماسيطرت على نفسي طلعت اركض سمعته ورايه كال ... غيلان كمل بدالي هس ارجع.

دخلت. للمغاسل جان اكو بنات يعدلن بالمكياج واني لزمت المغسله و اووع وما اووع طلعت حتى مصاريني وهذني عافسات والوجهه

انفتح الباب مثل المداهمه واني مدنكه على المغسله بس درت وجهي عليه شفته واكف وطابگ الحواجب ويباوع عليه بقلق.

رفعه عينه وكال .... مرخصتكم بنات شويه اطلعن بره

طلعن بدون اي كلمه امتظرهن ايطلعن ودخل وسد الباب ورا اجه يمي خله ايده على ظهري وصار يمسح عليها بكل حنينه

كال .... شلون صرتي يول وكعتي كلبي.
رديت بتعب .... تعبانه حيل احس روحي طلعت.

اتنهد وغسل وجهي وهو يباوع عليه بتركيز نزع الشماغ لابسه ومسح بي وجهي ورجع لبسه

كتله ... ليش بللته حرامات
رد ... فدوه الج جمرتي

كتله .... غريب اني جوعانه واريد موطه
رد ... ول يابه منين اجيب موطه والجوه بارد هس اجيبلج اكل بس موطه لا.

عفست وجهي ورديت بزعل .... بس اني اريد موطه حباب.
رد عليه .... اندور ونشوف بالكت واحد يبيع.

طلعنا من المغاسل والكل يباوع علينه بأستغراب والله حقهم ولد وبينه بالمغاسل مال بنات شيسون الله يعلم بعد.

اخذني للكافتريا نزلي اكل كعدت اكل هو يجيب ويخلي كدامي

احب دلاله الي ....
و احب ادلل عليه .....

بعد ما خلصنه اني رحت يم البنات وهو راح عنده محاضر.

من يوم الي ازوجت غريب ومياسه بعد ما باوعت بوجهي اتعاركت وياه وزعلت واني عفتها على راحتها ماهتميت.

مشئ الوكت خلصت محاضرات رحت اتمشئ الغرفة غريب فتحت الباب بدون ما ادكه

لكيت ابنيه حلوه وصغيره كاعده يمه هي باوعت عليه ورفعت حاجبها معاجبها.

مشيت بخطوات لنص الغرفه غريب اجئ يمي وكال ... هااا شلون صرتي
رديت عليه بدلع ... الحمدالله لا يظل بالك.

اخذني وكعدني على القنفه كل هذا وهاي البنيه ما نزلت عينها مني ابد.

راح على الميز مالته وكعد هاي البنيه نظراته نظرات اعجاب اله تخبلت كمت ورحت يمه خليت ايدي على جتفه

وكتله ... غريب اريد موطه
هز راسه بـ اي
رجعت كلت ... غريب والله مشتهيه موطه
هم هز راسه
رجعت كلت بزعل لان مايجاوب ويحجي ويا هاي السعلوه ولو هي تخبل وامبين من حجيها بغداديه تتدلع  .... غريب متنسيه على موطه.