الروايه: - وهل لنا في الحلال ميعاد ( انتفاضة العشق)
رحيل القوافي ....29
الحلقه التاسعه والعشرين ......
هي ماريد العمر يطول
هلي كون العمر يكصر
كضت عشريني بس شوغات
جا المن بعد اكبر
..........
ضحك وكال .... شعندي غيرج يا من فدوه الج اروح.
رديت عليه واني اصغر عيوني .... انت متاكد تروح فدوه الي لو لم عيون سود عيون الغزلان.
رد عليه .... يامن فدوه الج.
بقئ شويه وراح عزيز علي اليوم هواي يتغزل وهذا مو طبعه ولاخت كامت اجرها صفنات وتوزع ابتسامات.
خلصت اليله بفرحه بكلب الكل ومنهم اني اليوم ملكت عزيز كلبي وصار ملكي اليوم غريب صار الي وطن
مر على خطوبتي شهر ومابقي غير يومين للدوام وطول هاي اليومين هو مادك ولا دز اي شي.
الزعل والحزن اخذ مكان عندي والكل انتبه عليه
جنت كاعد ودخل عمي جلال الدين كال .... هذا غريب على التلفون ايكول ادك عليها وما احصلها.
كلبي النذل صارت دكاته الف نسئ كل الزعل والقهر وضوجتي منه
كمت اركض اخذت موبايل عمي جاوبته بلهفة محب عطشان الصوت الحبيب واني الهث كلت .... الووو
رد عليه برود عكس لهفتي .... الوو وياج.
سكتت واني اطلع من الغرفه كال .... حضري نفسج اني راح اجي اخذج من النجف واوديج للسكن
رديت عليه .... ليش تعب نفسك جلال الدين يودين هو البارحه كال
رد ... اني مو طرطور انتي صرتي مسؤليتي وهذا واجبي.
سكتت جان يكول ... شو ساكته مو من عوايدج
رديت عليه .... شكول وانت هس ياله اذكرت عندك مره لو على كولتگم مغه
ضحك وكال ... حلو بلسانج اكلج جمغتي الحمغه
رديت بضحكه ... كول عيني
كال ... تسلم عيونج يابه ضحك ورجع كال... أحترك الخلفج نسيت اشنو ردت اكول
كلت بهدوه ... غريب
رد .... عيونو كولي
رديت ... ليش مادكيت عليه ابد.
كال .... تردين الصدك لو ابن عموو.
جاوبته .... بكيفك بس المهم ارتاح من التفكير تعبت حيل.
كال .... جنت اعاقب نفسي وضايج حيل
رديت .... لان خطبتني مو.
سكت ما جاوبني بس كال .... اني رايح مو تنسين اجهزين نفسج حتمال باجر اني يمج.
بلعت غصتي وبلاعمي كامت اجرح بيه كتله ... ان شاءالله.
سديت الموبايل واني انفجرت بالبجي ليش احسه مجبور عليه مارايدني ليش ياربي ساعدني ماعندي غيرك.
نزلت جوه دورت على شؤذب لكيته كاعد بالحديقه وعينه على السماء كعدت يمه خليت راسي على جتفه ودموعي تنزل.
كال بصوت هادئ كلش يشبه النسيم البارد .... قال تعالئ " وعسئ ان تكرهو شي وهو خير لكم وعسئ ان تحبو شي وهو شرلكم " صدق الله العلي العظيم.
اتنهدت واني اسمع اكثر اية احبها وأمن بيها
مسحت دموعي بدشدات شؤذب
باوعلي وكال .... هس انتي تبجين تمسحين بدشداشتي ليش مو عندج دشداشه
أنت تقرأ
وهل لنا في الحلال ميعاد ( أنتفاضة العشق)
Romanceلم تَكن صِدفه حين عُثرت عليِك... كنت مَرسوما على حِدود ايامي كنت شيئا انتظَره وينتظُرني ولم يكن لقائنه إلا بدايه حكايه صاغها القدر بأتقان. ...... نار الحب تبدأ من تكريت وتنتهي بالنجف لأشرف هل يقعون في العشق ...؟؟؟ هل تعشق ابنت العمام وابن العامه...
