Victory's mission
(One shot)-29
ကြီးကျယ်ခမ်းနားလှတဲ့မှော်ကျောင်းတော်ကြီး "Honor"။ ယနေ့ပြုလုပ်နေသောအခမ်းအနားက ကျောင်းတော်ကြီးမှ မှော်ပညာရှင်များ၏အရည်အချင်းအားစမ်းသပ်စစ်ဆေးသော နောက်ဆုံးစာမေးပွဲနေ့။
"ဟေ့Victory ခနနေကြရင်လက်တွေ့ဖြေရမှာစိတ်မလှုပ်ရှားဘူးလား"
Victoryကခပ်ပါးပါးလေးပြုံးလိုက်ပြီးပခုံးတွန့်ပြလေသည်။ ထူးချွန်ကျောင်းသားအတွက်ဒီစာမေးပွဲကဘာအခက်အခဲမှမရှိပေ။ လတိုင်းမှာလဲအမြဲထိပ်ဆုံးမှာရှိနေတာမို့မာနဘဝင်လေဟပ်နေတဲ့Victoryရယ်ပါ။
သူ့ရဲ့မှော်တုတ်တံကိုစမ်းသပ်နေတုန်းမှာပဲ ကျောင်းအုပ်ကြီးက မိန့်ခွန်းစတင်ပြောကြားပြီးနောက် နောက်ဆုံးစစ်ဆေးခြင်းစတင်လေသည်။
"အခုစစ်ဆေးတဲ့စာမေးပွဲကမိမိရဲ့ကံ တွဲဖက်ရဲ့စိတ်ထားနဲ့ မိမိရဲ့အရည်ချင်းတို့ပူးပေါင်းခြင်းကိုဖော်ညွှန်းတယ်
သင်တို့ရဲ့တွဲဖက်တွေကို ကံကြမ္မာကတွဲဖက်ပေးလိမ့်မယ်
ကဲ အားလုံးပဲ သင်တို့ရဲ့မှော်တုတ်တံတွေကိုလေပေါ်မြှောက်လိုက်ပါ..."
Victoryရဲ့မှော်တုတ်တံကိုလေပေါ်မြှောက်လိုက်တော့ အပြာရောင်အလင်းများထွက်လာပြီးတုတ်တံလေလေပေါ်ဝဲနေလေသည်။ မှော်စကားလုံးသုံးပြီးတွဲဖက်ရှာချိန်အများသူငါလို ိုတွဲဖက်ရှေ့မရောက်သွားပဲ မြေပေါ်ပြန်ပြုတ်ကျလေသည်။
~ အယ် ဘယ်လိုဖြစ်ရတာလဲ အတော်ဆုံးဆိုတဲ့ငါ့ကိုသိက္ခာမချနဲ့နော် ပြန်ထစမ်း ~
Victoryရဲ့မှော်တုတ်တံကတုပ်တုပ်မှမလှုပ်။ အားလုံးကလည်းဝိုင်းကြည့်နေကြလေပြီ။ Victoryချွေးပါပြန်လာရသည်။ အချိန်အနည်းငယ်ကြာလာတော့ ကျောင်းအုပ်ကြီးကပဲတွဲဖက်ရှာပေးတော့သည်။
"သင့်ရဲ့တွဲဖက်အနေနဲ့ ကျောင်းစောင့်ကြီးကလိုက်ပါပေးလိမ့်မယ်"
Victoryခဲလေသမျှသဲရေကျရလေပြီ။ ယခုတွဲဖက်များက'ကံကြမ္မာကတွဲဖက်ပေးသည်မို့အချို့ဆိုလျှင် အိမ်ထောင်ဖက်တောင်ဖြစ်တတ်ကြသေးသည်။ Victoryလည်းဘယ်မှော်ဆရာမလေးနဲ့များကျမလဲအတွေးနဲ့ သေချာပြင်ဆင်လာခဲ့ရာမှအခုတော့ကျောင်းစောင့်ကြီးနဲ့ဆိုတော့..။
