စနေ၊ တနင်္ဂနွေ ကျောင်းပိတ်ရက်ဖြစ်တာကြောင့် Choi Beomgyuတစ်ယောက် မနက်၅နာရီမှ အိပ်၍ နောက်တစ်နေ့ နေ့ခင်း ၃နာရီခွဲမှ ထလေသည်။ ယခုလို အိပ်ရခြင်းမှာ အိမ်က လူနှစ်ယောက်ကို မမြင်ချင်လို့ဆိုလည်း မမှား။
နိုးလာတော့လည်း အိမ်မှာ အဖေကမရှိ၊ အရင်တိုင်း အမေနှင့် စကားအချေအတင်ဖြစ်ပြီး သူ့သူငယ်ချင်းအိမ်တွင်သွားနေသည်ထင်ပါရဲ့။
"Beomgyu သား ဒီကို ခဏလာထိုင်"
အမေက စကားစတော့ Beomgyuလည်း သူမပြောသည့်အတိုင်း သွားထိုင်လိုက်သည်။
"သားအဖေနဲ့ ကွာရှင်းတော့မယ်"
Beomgyu သူကြားလိုက်တဲ့ စကားကြောင့် အလွန်အံ့ဩသွားသည်။
" ဗျာ မေမေ ဘာပြောလိုက်တာ "
" တကယ် ဆက်မပေါင်းနိုင်တော့ဘူး သားအသိဆုံးပါ သားမျက်နှာကြောင့် မေမေသည်းခံနေတာ အခု သူက ပိုပြီး တရားလွန်လာပြီ "
" ဖေဖေက မေမေကို အရမ်းချစ်တာလေဗျာ သူအမှားလုပ်မိတဲ့ဆိုတာကလည်း သားတို့မိသားစုအတွက်လေ အဲ့လောက်ထိလုပ်စရာလိုလို့လား "
" လိုတယ် အကြိမ်ကြိမ် သည်းခံခဲ့ပြီးပြီ သား ဒီတစ်ခါတော့ ဖြစ်ချင်တာထက် ဖြစ်သင့်တာကိုပဲ မေမေ ဦးစားပေးတော့မယ် "
ထိုစကားကြောင့် ရုတ်ချည်းဆိုသလို Beomgyu၏ မျက်ဝန်းတို့၌ အကြည်းတန်မှုတွေ ပြည့်နှံ့သွားသည်။
" မေမေတောင် မေမေဖြစ်ချင်တာပဲလုပ်ခဲ့တာ မဟုတ်ဘူးလား "
Beomgyuပြောလိုက်တဲ့ စကားကြောင့် အမေဖြစ်သူက အနာပေါ်တုတ်ကျသလိုဖြစ်သွားပြီး၊
" သား! မေမေ ဘယ်လောက်ခံစားခဲ့ရလဲ မင်းအသိဆုံးနော် မေမေလည်း ကိုယ့်ကိုယ်ကို မှန်တယ်မပြောပါဘူး ဒါပေမယ့် ထွက်ပေါက်ရှာတဲ့အနေနဲ့လုပ်ခဲ့တဲ့ဆိုတာမင်းသိပါတယ် အဲ့လို မရွဲ့နဲ့သား "
"ဟား လူတွေက တကယ် ကိုယ်ချင်းမစာတတ်တာပဲ မေမေ့ခံစားချက်တွေကိုတော့ မေမေသိတတ်တယ်နော် ဒါဆို သားကရော?? သားဘယ်လောက်ခံစားခဲ့ရလဲ.. ဘယ်လောက် နာကျင်ခဲ့ရလဲ မေမေတို့ သိလို့လား သိဖို့ရော ကြိုးစားခဲ့ကြလား ဒါပေမယ့် သား ခွင့်လွှတ်ခဲ့ပါတယ် သား အကုန်လုံးကို နားလည်ပေးခဲ့ပေမယ့် ပြန်ရခဲ့တာ ဒီကွာရှင်းမယ်ဆိုတာလား?? တော်ကြပါတော့ တကယ် တော်ကြပါတော့ "
YOU ARE READING
Endless Ending
De Todoကံကြမ္မာရဲ့ ရိုက်ချက်ဒဏ်တွေကြောင့် သိပ်ကို ပင်ပန်းနေပြီလား ကလေးရယ်.. လိုအပ်နေတဲ့ နွေးထွေးမှုကို ယူဆောင်လာပေးပါ့မယ်။ အဆုံးသတ်မှာ အတူရှိနေပေးပါရစေ..။ Endless Ending Start Date - 18. 3. 22 ( 5:55pm ) End date - 26.5.23 ( 3:33am)