" တစ်ယောက်တည်းနေတာ အဆင်ပြေရဲ့လား "
တပ်ထားသည့် မျက်မှန်ကို ချွတ်လျက် ရုံးခန်းထဲ သူ့အရှေ့၌ ထိုင်နေသည့် သားဖြစ်သူကို မေးလိုက်တော့ ဖျော့တော့တော့အပြုံးလေးကို မြင်လိုက်ရသည်။
" ပြေပါတယ် ဒီလိုပါပဲ ဒါနဲ့ ကျွန်တော့်ကို ဘာလို့ခေါ်တာလဲ "
" မင်ကို ပွင့်ပွင့်လင်းလင်းပဲပြောချင်တယ် အဖေ ကြားထားတဲ့ သတင်းတွေထဲမှာ မင်းက မကောင်းတဲ့သူဖြစ်နေတယ် "
" ဗျာ အဖေဘာကိုပြောချင်တာလဲ "
" မင်း အခု ယောက်ျားချင်းကြိုက်နေတယ် ပြီးတော့ အဲ့ကောင်လေးက အဖေတို့ ကုမ္ပဏီရဲ့ရှယ်ယာအများဆုံးပိုင်တဲ့ အဖေတို့ ကျေးဇူးရှင်ရဲ့သားဖြစ်နေတယ် သူ့အဖေကြောင့် အဖေတို့ ကုမ္ပဏီအခုလို ရပ်တည်နိုင်နေတာ "
" အဲ့ဒါက ဘာဆိုင်.. "
" နေဦး အခု ပတ်ဝန်းကျင်က မင်းကို ဘယ်လိုပြောလဲသိလား အဖေ့ကုမ္ပဏီဒေဝါလီခံခါနီးဖြစ်နေလို့ သူဌေးသားကို ဝင်လုံးတယ်တဲ့ "
ကြားလိုက်ရတဲ့ အဖေ့ဆီက စကားလုံးတွေက စိတ်ကို ရှုပ်ထွေးသွားစေသည်။ နဂိုတည်းက စိတ်က သေလောက်အောင်ညစ်နေတာ ထပ်ပြီး စိတ်ရှုပ်ရရင် လူလည်း ရူးကုန်တော့မှာပေါ့။
ဘာတွေ အဲ့သည့်လောက် ရှုပ်ထွေးနေရတာလဲ ကံကြမ္မာရယ်။
ဘာစကားလုံးမှ ဆက်မပြောနိုင်ဘဲ အသက်မဲ့တဲ့ မျက်ဝန်းတွေနဲ့ အဖေ့ကို စိုက်ကြည့်နေမိသည်။
" ပိုဆိုးတာက မင်း သူ့သားနဲ့ အဆက်မဖြတ်ရင် အဖေတို့ ကုမ္ပဏီမှာ ထည့်ထားတဲ့ သူ့ရှယ်ယာတွေအကုန်ပြန်ယူပြီး ဒေဝါလီခံအောင်လုပ်ပစ်မယ်တဲ့ "
ထပ်ကြားရတဲ့ စကားတွေက နင့်ကနဲ။ အင်အားလျော့နေကာမှ ဓားနှင့်အချက်ပေါင်းများစွာအထိုးခံလိုက်ရသလိုပဲ။
" ပြီးတော့လည်း သူ့သားကို သဘောတူထားပြီးသား ကောင်မလေးရှိတော့ မင်း နောက်ဆုတ်မှဖြစ်မယ် သား "
ဪ တရားကျလိုက်ကြတာ။ နာမည်ထည့်မပြောသွားလည်း Kim Miraeကိုပြောမှန်းသိပါသည်။ နာနာကြည်းကြည်းပြုံးလိုက်မိသွားသည်။ ဘာကြောင့် ဒီလို စိတ်ဆင်းရဲစရာတွေ တစ်ခုပြီးတစ်ခုကြုံနေရတာလဲ။
YOU ARE READING
Endless Ending
Acakကံကြမ္မာရဲ့ ရိုက်ချက်ဒဏ်တွေကြောင့် သိပ်ကို ပင်ပန်းနေပြီလား ကလေးရယ်.. လိုအပ်နေတဲ့ နွေးထွေးမှုကို ယူဆောင်လာပေးပါ့မယ်။ အဆုံးသတ်မှာ အတူရှိနေပေးပါရစေ..။ Endless Ending Start Date - 18. 3. 22 ( 5:55pm ) End date - 26.5.23 ( 3:33am)