ملاك الغول

المقدمه

المقدّمة

كل الناس حضروا جنازتها…
الكل مشي ورا النعش…
الكل بكى، حتى اللي عمره ما دمعة نزلت من عينه.

بس هي؟
كانت بتتفرّج… من بعيد…
بقلب بيدق… ونَفَس بيتسحب جوه صدرها…
وإسم جديد بيتكتب لها على صفحة بيضا،
ووشها اللي اتحفر في صور الذكرى،
بقى ممنوع يتشاف.

ملاك، البنت اللي "ماتت" رسميًا،
لسّه عايشة…
في قبو أسرار… وسط ناس مش عارفة تصدّق نفسها…
وأعداء بيستنوا لحظة ظهورها…
عشان يخلصوا اللي فشلوا فيه أول مرة.

اللي حصل مش مجرد حادث…
ولا موت بالصدفة…
دي كانت بداية مخطّط كبير، أكبر من أي خيال.

بس السؤال الحقيقي:

لما الحكاية كلها تتكشف…
هل اللي عرفها زمان، هيعرف يواجه حقيقتها دلوقتي؟
ولا "ملاك" الجديدة هتبقى لعنة على الكل… حتى اللي حماها؟

كل الحكايات بتبدأ بحياة…
بس حكاية ملاك بدأت بـ"موت".

في يوم عادي، اتسجّل في الأوراق الرسمية إن "ملاك " توفيت بعد فشل في العملية،
الكل بكى، الكل شيّع الجنازة، والكل صدّق إنها رحلت.

بس الحقيقة؟
هي كانت بتتنفس… في مكان بعيد عن الكل…
تحت حماية اسم مش معروف، ووشوش جديدة…
وذكريات محفورة في قلبها زي الجرح المفتوح.

هي ماتت؟
ولا اختفت؟
مين اللي أنقذها؟ وليه؟
ومين العدو الحقيقي؟
محسن؟ ولا حد أقرب من كده بكتير؟

وفي وسط ده كله…
أسد، الضابط اللي قابلها صدفة،
دخل اللعبة وهو عارف إنها لعبة أكبر من مجرد حياة بنت…
دي حرب أسرار، دم، وخيانات.

"في حكايات لما بتُدفن… بتطلع من تحت التراب أقوى."

دي حكاية ملاك…
اللي رجعت من الموت، مش علشان تعيش…
لكن علشان تنتقم.