شريط حياتي بيمر قدام عنيا .
كل لحظة حزن كل لحظة وجع كل غصة كلها ألم اتكتمت جوايا بتمر قدام عنيا بتفكرني بكل دمعه نزلت من عيني من غير ذنب !!
دا نصيبي و مكتوبلي بس الالم دا صعب اوي شعور انك يتيم بدون اب وام صعب صعب صعب و مهما اوصف مش هقدر اوصل لنفس الاحساس علشان اكتبه .
انك تبكي من جواك علشان متبينش انك محتاج لحضن حد يهون عليك ايامك أو لو زعلان من حاجه محتاج حضن بس هادي من غير صوت و لا دوشه حد يحس بيك و يقدر يحتويك ....
بس للاسف الشديد مخسرتش اب و ام بس دا انا خسرت الحضن كمان اللي يقدر يحتويني أو لنقلول أنه مش موجود من أصله بس الوهم كبير و للاسف حياتي وهم ..
مش عايزة اتعلق بحد و يسيبني كفايه اللي سابني انا مش وحشه انا طفله لسه مش مستوعبه الحياه في جسم مراهقه عندها 18 سنه و مهما تفهم نفسها انها لازم تكون قويه تيجي حاجه تخليها بعد م رفعت نفسها لسابع سماء وقعت لسابع ارض بس الخلطه كانت قويه ......
مش عارفه ليه كل الوجع ده معايا احساس اللي حواليا اني جبله مش بحس شخصية تافهه عائشه في اوضتها على التليفون 24 ساعه ..
طب ليه مجاش في بالهم اني بنسى ؟؟؟!
هتقوليلي بتنسي ايه ؟؟!
بنسى كل لحظه وجع حسيت بيها لما بنادي امي بماما و تقولي متقوليهاش بنسى كل لحظة وجع و انا بشوف اي ام و اي اب بيحضن ابنه أو بنته بنسى كل لحظه وجع و انا اول يوم مدرسه كنت لوحدي من غير اب او ام يكونوا معايا يوصلوني بنسى كل لحظة وجع لما انضرب و يتقال انتي اللي غلطانه اكيد و ميتاخدش حقي بنسى كل لحظة وجع
لما يتقال الام مدرسه و لازم تقعد تدرس لأولادها و انا طول عمري لوحدي بذاكر لنفسي من غير مساعده بس بيستنوا النتيجه اللي حتى لو حلوة انا فاشله و عمري م كنت ناجحه بنسى كل لحظه وجع عيشتها مع سماعي لصوت عالي بتأذى منه و محدش بيقدر شعوري بنسى كل لحظة وجع على مشاكل بدون اسباب بتدمر نفسيتي بنسى كل لحظة وجع بقيت فيها شخصية فاقدة الثقة بنفسها شخصيه عندها رهاب اجتماعي شخصيه بقيت كارهه الدنيا و مش عايزة تعيش فيها ......
تعرفوا حاجه انا شخصيه معقده هههههههه و الله شخصيه منعزله في اوضتها مش بتخرج منها غير لتقضية طلبات علشان متسمعش كلمه تعكر مزاجها اكتر بقيت عامله زي الروبوت عايزة ابعد عن كل حاجه انا تعبت خلاص مبقتش قادره بس تعرفوا حاجه انا كارها نفسي خلاص ......
احساسي اني لوحدي في الدنيا بقا متركز في كل حته في جسمي علشان أثبت أن لوحدي فعلا اتعودت على غصة الالم و الدموع اللي بخفيها اتعودت على الحسرة لما بستنى حضن من حد يهون عليا حياتي مفيش هههههه اصل انا معقده .....
من موقعي هذا أكد انني اصبحت كارهه لنفسي كارهه للحياه كااارههه لكل شيء و شكرا ....
أنت تقرأ
ملاك الغول
Mistério / Suspenseالمقدّمة في لحظة، ممكن حياة كاملة تتقلب... اسم يُمحى، وهوية تتبدّل، وقلب بريء يتحط في وسط نار ماكانش يوم يتخيل يدخلها. ملاك، البنت اللي كانت دايمًا بتضحك للدنيا، فجأة اختفت... ناس قالت ماتت، وناس قالت اتخطفت، بس الحقيقة كانت أغرب من كل الحكايات. وسط...
