اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أبوء لك بنعمتك عليَّ، وأبوء بذنبي، فاغفر لي، فإنه لا يغفر الذنوب إلا أنت... 💜
صلوا على سيدنا ونبينا محمد، عليه أفضل الصلاة والسلام... 💜
متنسوش الفوت يا قمراتي 💕
الكاتبة: "Dr rahma muhamed" 🦋🦋🦋🦋🦋🦋
🦋🦋🦋🦋🦋🦋🦋🦋🦋🦋
لم يكن الأمر عاديًا كما تظنون، لقد أصبح عاديًا بعد ألف معركة في عقلي، وألف كسرٍ في قلبي... وكنت دومًا أردد: "لا بأس"، بينما كل البأس هنا... في قلبي.
---
🦋🦋🦋🦋🦋🦋🦋
كانت تقف عائلة "السيوفي" على قدم وساق، ينتظرون استيقاظ فريدة... لم يستطيعوا التفكير من شدة الصدمة.
أبعد عامٍ كامل من غيبوبتها... تستيقظ؟!
وحتى الآن، لم يعرفوا مكان ملاك...
فكيف ستكون صدمتهم عندما يعلمون أن فريدة لا تعرف شيئًا أيضًا عن مكانها؟
وبعد لحظات من الترقب والتفكير، بدأت فريدة تفتح عينيها، فذهبت إليها يسرا، زوجة محمد.
يسرا (وهي تمسكها من كتفها لتساعدها على الجلوس):
خلي بالك يا فريدة...
(ثم وضعت خلفها وسادة لتجلس براحة)
نظرت فريدة إلى زين، ثم قالت:
فريدة:
بابا... فين مهاب وملاك؟
من ساعة ما صحيت ومحدش بيقولي هما فين؟
هما حصلهم حاجة؟!
زين (وهو يجلس أمامها):
أكيد يا فريدة مؤمنة بقضاء ربنا...
فريدة (وهي تبكي):
ونِعم بالله... يعني إحساسي كان صح!
يسرا (وهي تواسيها):
اهدَي يا فريدة... علشان نعرف نحكيلِك.
فريدة (بدموع):
بالله عليكي، قولي الحقيقة... هما فين؟!
زين (بتأثر شديد):
مهاب بقاله سنة في غيبوبة، ولسه مصحاش...
وملاك... من يوم الحادثة مش لقيناها لحد دلوقتي.
فريدة (بانهيار وصدمة):
يعني إيه مش لقينها؟!
يعني بنتي ضاااااعت؟!!
إزاي؟!
معرفتوش مكانها ليه؟
ما بلغتوش الشرطة؟!
محمد (بحزن):
بلغنا الشرطة فعلًا، ودوَّروا في كل مكان في مصر، ومحدش لقاها...
إحنا حتى فكرنا إن مهاب لما حس بالخطر، سابها مع حد...
لكن لحد دلوقتي مش ظهرت.
نزلنا صورتها في التلفزيون، والجرايد، والمجلات، وقلنا اللي يلاقيها له مكافأة كبيرة...
بس للأسف، لا حد شافها، ولا حتى اتصل بينا.
فريدة (بانهيار تام):
يعني كده خلاص؟!
بنتي ضاعت ومش هشوفها تاني؟!
طب فين مهاب؟
يمكن هو عارف مكانها... أو لما أغمي عليا، سابها لحد؟!
محمد (بتأثر):
بابا لسه قايلك... مهاب بقاله سنة في غيبوبة، ومفيش أي تحسن.
فريدة (بحزن وبكاء شديد):
يعني كده لا هشوف ملاك... ولا مهاب...
والله أعلم هشوفهم إمتى...
طب فين مراد يا محمد؟ حصله حاجة؟ طمّنّي بالله عليك...
أنت تقرأ
ملاك الغول
Mystery / Thrillerالمقدّمة في لحظة، ممكن حياة كاملة تتقلب... اسم يُمحى، وهوية تتبدّل، وقلب بريء يتحط في وسط نار ماكانش يوم يتخيل يدخلها. ملاك، البنت اللي كانت دايمًا بتضحك للدنيا، فجأة اختفت... ناس قالت ماتت، وناس قالت اتخطفت، بس الحقيقة كانت أغرب من كل الحكايات. وسط...
