Fraudulence of Bliss (STATION Series #5)

Kabanata 14

Kabanata 14

Alala

When my alarm clock beeped, I didn't want to get up. Napatitig nalang ako sa kisame habang iniisip kung tama ba 'tong gagawin ko.

I had already prepared a set of questions that I would ask during the press conference. Kung may makapaparehong tanong mula sa reporter, lalagyan ko nalang ng linya para iba ang maitanong. Kung naitanong na ang lahat, hindi na ako magtatanong pa. Unless a follow-up question would pop up in my mind then I might go for it.

I sighed when I finished dressing up. I wore a simple white collared shirt with an embroidered logo of MLM News. Naka-tucked in iyon sa denim high waist pants habang rubber shoes naman ang sapatos. I chose Nike because it's easy to run around. Nabibigatan ako kung Adidas ang sapatos na gagamitin, hindi pa sanay ang paa ko.

Pagkakuha ng jacket sa damitan ay nag-drive na ako papunta sa station upang tagpuin si Mike. Binanggit pa niya ang paghaba ng buhok ko na siyang nagpaalala sa 'kin na magpagupit sa isang araw.

"Keeping the bob cut?" tanong niya bago buhayin ang makina ng news van.

"This is not bob cut. Ibang hairstyle 'yon."

"E ano tawag d'yan?"

I shrugged. "Basta pinagugupitan ko nalang."

Natawa siya at pinatakbo na ang sasakyan. Nang makarating sa venue ay napabuntonghininga ulit ako.

"Para kang courtside reporter sa getup mo," komento niya habang nagbababa ng gamit.

Inismiran ko nalang siya habang kinukuha rin ang gamit. Pagkatapos ay nagpunta sa conference room ng hotel na siyang lugar para sa press conference.

Pagkapasok pa lang ng malaking kwarto, bubungad na agad sa gitna ang pulang red carpet na patungo sa makeshift stage. May lamesa na nakapwesto roon na nakapatong ang mga pangalan ng banda, mikropono, at tubig. Sa likod naman ay ang logo nila na inulit nang ilang beses para mapuno ang background.

Hile-hilera naman ng upuan ang nakapwesto sa harapan. May nakaistasyon na ring mga camera mula sa iba't ibang news station. Pinapwesto ko kaagad si Mike para maganda ang makuhang anggulo mamaya.

While he was setting up the camera, he asked me for the briefing which was usual whenever we take shoots. I gave him the rundown of the event along with the list of my questions. Kukuha na rin daw siya ng videos para maging laman ng balita mamaya.

I shivered when I passed by a standing air conditioner. I realized that I forgot my jacket that's why I went back to my cameraman to get the van's key. Mabilis akong pumunta ro'n bago bumalik sa conference room. Nang makabalik, tahimik pa rin ang loob.

Kinondisyon ko ang sarili habang naghihintay. Binasa ko ang ibang tanong na itinama't binago pa ni Eli. Nakapag-cover na siya ng balita tungkol sa mga artista dati. She told me that some of my questions were too "political" considering that I was used to covering news that were not related in entertainment. I thanked her for the knowledge she gave me.

Huwag lang sanang maulit pa 'to. I don't think I could get used to this entertainment-type news.

A few minutes after, I heard a small commotion at the back. Nagsitayuan ang ibang reporters, nakisisilip kung padating na ba ang banda. Nang bumukas na ang pinto, nagsimula nang mag-flash ang camera hanggang sa dumaan sila sa gitna patungo sa stage.

My eyes trailed their built which I usually saw virtually. Inisa-isa ko sila ng tingin habang nagpakikilala sa gitna. Nang nilingon ko si Mike ay nakita kong kinuhanan naman niya ang mga galaw ng banda. Nang mag-thumbs up ako ay ibinalik niya rin.