نصيبي

الفصل الحادي عشر

عند حور
وصلت لمكان كله حشيش بس من غير شجر وملقتش حد لفت وشها واتخضت لما لقت محمد واقف وراها بالظبط .
_محمد: الف سلامة عليكي من الخضة ده أنا.
_حور: محمد !! انت جيت ازاى؟
_محمد: بعربية مروان.
_حور: مش كدة اقصد يعني الجو ده والمزرعة كل ده ازاى ؟؟
_محمد: البركة في تيانا ، اصل انا وصحابي كنا قاعدين بنفكر هنشوفكوا ازاى فاتصلنا بيها وهي رتبتلنا كل حاجة .
_حور: بس مش قالتلنا حاجة.
_محمد: ماهو ده سر المفاجأة،المهم سيبك من ده دلوقت... وحشتيني.
_حور:_____
_محمد: واضح اني موحشتكيش .
_حور ردت بسرعة: لا والله مش كدة بالعكس.
_محمد: بالعكس ايه ؟
حور حطت وشها ف الأرض فمسكها من دقنها ورفع وشها ليه وهمس لها
_محمد: بالعكس ايه؟
حور محستش بنفسها من لمسة أيده وهمسه
_حور بتوهان: وحشتني.

ونسيبهم لرومانسياتهم ونروح لحتة تانية

عند نور وصلت عند شجرة مربوط على جزعها شريط حرير على شكل فيونكة وفي طرف الشريط ده ورقه اخدتها ولقت مكتوب جواها "حبيبتي نور انا مش عارف بصراحة ازاى قدرت اصبر الفترة دي كلها ومشفكيش احنا صحيح بنتكلم كل يوم بس برده كنت مشتاقلك طول الوقت.. لشكلك لعنيكي لضحكتك لعصبيتك لكل حاجة فيكي بعشقك يانور عيني" .
وفجأة لقته طالع من ورا الشجرة وقرب منها بالراحة واول ماوصلها مسك ايديها الاتنين واتكلم بالراحة كأنه بيستهجى الحروف .
_حمزة: وحشتنيني موت(وباس ايد) بحبك موت موت(وباس التانية)
_نور:. حمزة....!!
_حمزة: قلب حمزة.
_نور: انت...انت..... ازاى ... انا مش فاهمة !!
_حمزة: ههههه اهدي بس انا هفهمك (وحكالها ازاى تيانا ساعدتهم) بس ياستي.
_نور: اممممم
_حمزة: ايه اممم دي اصرفها فين ؟؟
_نور: فيه ايه عايز ايه انت دلوقت؟
_حمزة: عايز ايه؟! يعني ظرف وشريط احمر وكلام حب وبوس ،ايه مفيش مقابل؟
_نور: عايز مقابل ايه؟
_حمزة: اي حاجة منك انا راضي لو حتى كلمة.
_نور بكسوف: وحشتني.
_حمزة: يالهوي على وحشتني اللي طالعة شهد من بقك.
_نور: حمزززززة!!!
_حمزة: قلب حمزة وعيون حمزة.

أما عند ملك فراحت مكان فيه طيور وفراخ وارانب بس كل حاجة ف قفصها وعلى قفص الارانب لقت جواب فتحته لقت مكتوب" بَ با... بِ بي... رُ رو" ابتسمت لأنها شافت الفيلم وعارفة الرسالة دي معناها ايه وشهقت لما حست بإيد بتتلف حوالين وسطها بس هو لحقها ومشالش أيده من وسطها
_احمد بيهمس جمب ودنها: ششش ده أنا... كنتي بتقولي ايه بقى ؟ انا بق ع الفاضي مش كدة.
_ملك: انا؟ هو انا قلت حاجة؟ وبعدين ده حتى لو قلت هو فيه حد بياخد على كلامي برده دانت غريب اوى ياجدع.
احمد لفها ليه بس مشالش أيده من وسطها وكلامه كله بهمس
_احمد: خريتي ليه دلوقت ماكنتي عملالي شبح ف التليفون .
_ملك: طب شيل ايدك وبطل قلة ادب لحد يشوفنا(وبعدت عنه )
_احمد: انتي لسانك ده عايز يتقص.
_ملك شهقت: عايز لساني يتقص يااحمد!
_احمد: بعيد الشر عنك ياعيون احمد ،انا هعاقبك على لسانك ده بس بطريقة تانية هقلك عليها بعد الجواز إن شاء الله.
_ملك: انت قليل الادب.
_احمد: لا وسافل كمان.

تيانا واقفة على سطح بيت وبتتفرج عليهم هم مش شايفين بعض بس هي شايفاهم هم التلاتة وحست بفراغ جواها حاسه انها مفتقدة حاجة أو شخص.
:بتعملي ايه؟
اتخضت من الصوت والتفتت بسرعة وهي بترجع وكانت هتقع لولا مروان اللي مسكها على آخر لحظة من أيدها وشدها عليه فوقعت ف حضنه فلف ايديه الاتنين حواليها وضمها جامد كأنه خايف أنها تضيع منه ، أما هي فبالنسبالها الزمن وقف ف اللحظة دي. ريحته،حرارة جسمه،دقات قلبه اللي حساها وسمعاها ،ايديه الملفوفة حواليها كل الحاجات دي كانت كفيلة أنها تخليها مغيبة عن العالم.
_مروان وهو لسه حاضنها: أنا آسف اسف جدا (بعدها عن حضنه ومسك وشها بإيديه الاتنين) انتي كويسة؟ حاجة بتوجعك؟ رجلك بتوجعك؟ تقدري تمشي؟

كل ده وتيانا مش مركزة اصلا كان واحشها جدا ملامحه ريحته صوته خناقه كل حاجة فيه وحشتها ولاحظت أن شعره طول شوية بس كان جميل( ومروان لاحظ شرودها ونظراتها وفاهمها كويس اوى)
_مروان: تيانا ... تيانااا
تيانا فاقت من شرودها وطردت الأفكار دي من دماغها وشدت أيده من على وشها وجات تمشي.
_مروان: انتي راحة فين؟
_تيانا: نزلالهم.
_مروان: بلاش.. بصي عاملين ازاى اكيد مش هيكونوا حابين انك تقطعي عليهم اللحظات دي.
تيانا بصت عليهم واكتشفت أن معاه حق، فوقفت مكانها تاني وهو وقف جنبها من غير اي كلام وكان الصمت سيد الموقف.
الليل جه ونزلولهم ولعوا نار وقعدوا حواليها كل اتنين جمب بعض ماعدا مروان وتيانا قعدين قصاد بعض.
_محمد: بقلك ايه يامارو القعدة دي ناقصها غنوة حلوة .
_مروان: بلاش احسن ناس ميعجبهاش صوتي.
_تيانا: انت بتعرف تغني؟؟
_احمد: بيعرف يغني ؟؟ ده لو اشترك في مسابقات الغنى هيكتسحهم كلهم.
_مروان: مش للدرجادي يعني بس ماشي هغني.
وغنى مروان اغنية وائل جسار "الحكاية "
الحكاية في كلمة واحدة
حبي ليك كان مستحيل
اللي بينا إبتسامة
سهرة حلوة في ليل طويل
إيه اللي جابني لحد عندك
شوقي ليك أكبر دليل
الحكاية في كلمة واحدة
حبي ليك كان مستحيل
اللي بينا إبتسامة
سهرة حلوة في ليل طويل
إيه اللي جابني لحد عندك
شوقي ليك أكبر دليل
كل ليلة وكل يوم تيجي على بالي
وأسهر وأعد النجوم حالي هو حالي
وأنام في سيرتك وأقوم وأسهر الليالي
كل ليلة وكل يوم
كل ليلة وكل يوم تيجي على بالي
وأسهر وأعد النجوم حالي هو حالي
وأنام في سيرتك وأقوم وأسهر الليالي
كل ليلة وكل يوم
أرجوك بالراحة عليّ
صوتك مليان حنية
أنا مش قدك حرام
لو تعرف إيه جوايا
ده أنا نظرة عيني كفاية
بتقول لك أحلى كلام
إبتديت عمري النهار ده
نفسي أعيش لك من جديد
نفسي قلبك بس يرضى
حبي ليك عمال يزيد
ده إنت حبك عندي دنيا
قلبي من غيرك وحيد
كل ليلة وكل يوم تيجي على بالي
وأسهر وأعد النجوم حالي هو حالي
وأنام في سيرتك وأقوم وأسهر الليالي
كل ليلة وكل يوم
أرجوك بالراحة عليّ
صوتك مليان حنية
أنا مش قدك حرام
كل ليلة، كل ليلة
كل ليلة وكل يوم

كان صوته جميل جدا وعنده احساس عالي وباصص لتيانا وهو بيغني على أمل تحس بيه أو قلبها يحن وتستسلم ، أما هي كانت سرحانه ف صوته واول ما خلص كلهم صقفوا واشادوا بصوته حتى تيانا وخلص اليوم والشباب رجعوا على بلدهم والبنات روحوا بيوتهم ويوم ورا يوم والإجازة خلصت ورجعوا لجامعتهم ...
.
.
.
يتبع