نصيبي

الفصل الثاني عشر

البنات رجعوا الشقة واول ماوصلوا راحوا للحاجة ثناء يسلموا عليها وكانت فرحانة جدا بيهم قعدوا معاها وبعدين راحوا يفضوا الشنط بس تيانا فضلت معاها وحكتلها عن مروان واحساسها المتلخبط ناحيته . الحاجة ثناء مفدتهاش كتير بس ريحتها .
والتلات بنات طبعا اتكلموا مع الشباب فون.

عدت الايام وجات امتحانات اخر السنة وخلصوا ونجحوا وبعدهم امتحانات الشباب وهم كمان نجحوا والنهاردة حفل التخرج وبعد انتهاء تسليم الشهادات كل واحد وقف وسط أهله يتصور والتلات شباب عرفوا البنات على اهاليهم اللي اتبسطوا جدا من اختيار ولادهم.

مروان واقف مع أبوه اللي فجأة بص ناحية مكان وبلم ومروان لاحظ ده وكان لسه هيتكلم بس أبوه مسبلوش فرصة لانه راح ناحية المكان ده مروان بص لقى صحابه والبنات الأربعة فراح وراه .
_جاسر: السلام عليهم ازيكوا ياشباب.
الشباب طبعا عارفينه فرحبوا بيه ، بص لتيانا
_جاسر ولسه الصدمه متملكاه: ازيك ياقمر.. انتي اسمك ايه؟
_تيانا: حضرتك انا اسمي تيانا.
_جاسر: غمازتك حلوة اوى ياتيانا.
تيانا حست أن الموقف ده مألوف وافتكرت الحاجة ثناء وف نفس الوقت افتكرت لما صحبتها قالتلها جدت مروان عايشة ف العمارة وافتكرت كلام الحاجة ثناء عن حفيدها وجوز بنتها وهنا كانت الصدمة
فبصت للأرض وبعدين بصت لمروان اللي نظراته اكدتلها أن تفكيرها صح والباقي شايفين النظرات اللي بين التلاتة دول ومش فاهمين فيه ايه .

_احمد: فيه ايه ياجماعة احنا مش فاهمين حاجة مالكم؟
_تيانا لسه باصة لمروان : فيه اني كنت لعبه( صوتها كان هادي ومليان وجع)
_مروان قرب منها: تيانا مش زي مانتي فاهمة والله اديني فرصة اشرحلك.
_تيانا: عشان كدة رغم محاولاتي ومعاملتي ليك لكن مكنتش بتبعد.. طبعا مانا كنت كتاب مفتوح قدامك .
_مروان قرب اكتر: تيانا..
_تيانا صوتها علي جدا: ماتقربش.. ماتقربش
الكل حمد ربه ف اللحظة دي أن الناس خرجت من القاعة وإلا كانوا بقوا فرجة.
_مروان: هي مكنتش بتقلي حاجة قلتيهالها كانت بتعتبر دي خيانة لثقتك فيها انا بس دخلت عليكوا مرة وسمعتك بالصدفة .
_تيانا: وانا مصدقاك... عشان كدة مش عايزة اشوفك تاني .
كلهم اتصدموا وجاسر فهم من كلامهم الموضوع
_مروان: تيانا.... انا بحبك.
ودي كانت أول مرة يقلها الكلمة دي رغم أنه قالها كتير بعنيه لكن اول مرة ينطقها.
_تيانا عينيها دمعت: لو... لو بتحبني زي مابتقول يبقى نفذلي اللي طلبته منك... ارجوك.
_مروان: اطلبي اي حاجة تانية لو طلبتي روحي هديهالك بس ماتطلبيش اني ابعد عنك مش هقدر .
_تيانا: ارجوك يامروان ارجوك.

سابتهم وخرجت ومروان خرج وراها بس لقاها اخدت عربيتها وجريت بيها بسرعة .
فضل الشباب والبنات واقفين مع جاسر واللي عنده معلومة شارك بيها فأصبحت الصورة واضحة للكل.
مروان رجعلهم وقال للشباب ياخدوا عربيته ويروحوا البنات وهو هيمشي مع أبوه .