نصيبي

الفصل الثالث عشر

_تيانا: هييييح ايه يا عصافير الحب الرومانسية دي هتطول.
_احمد: يابت سيبيهم كان فاضل مشهد.
_حمزة: وحياة امك انت وهي، وبعدين احنا حرين ولا تحبوا نبوس ونحضن قدامكوا هنا.
_نور بكسوف: حمزة.
_حمزة: نور عين حمزة.
_ملك بتقلد نور: حمزة.
_احمد بيقلد حمزة: نور عين حمزة.
وضحكوا كلهم

تاني يوم الصبح تيانا راحت الشركة مع التلات شباب وكان دخولهم ملفت جدا ، مهو لما بنت تدخل مع احلى تلات شباب ف الشركة لازم يكونوا ملفتين.
وصلوا قدام المكتب اللي المفروض تبقى فيه المقابلة وكان قدامه سكرتيرة دلوعة جدا معجبتش تيانا.
_محمد: تيانا اول ماتدخلي من الباب ده متفكريش ف حاجة فكري ف الشغل وبس.
_احمد: وافتكري أن الشغل مفيهوش عواطق.
_حمزة: ولو اتضايقتي متبينيش.
_تيانا: فيه ايه ياجماعة ؟؟
_حمزة: مفيش احنا بننبهك.
_احمد: لما تخلصي احنا ف بيت محمد، لا اله الا الله.
_تيانا: هو انا داخلة حرب، سيدنا محمد رسول الله ياسيدي.
_محمد للسكرتيرة: المدير جوه ياشهد؟
_شهد بدلع: أيوة جوه لحظة اديله خبر(....) اتفضلي .
تيانا قالت ف نفسها طالما السكرتيرة كدة يبقى اكيد المدير بطال .
خبطت ع الباب ودخلت كان المدير قاعد ع المكتب وفإيده اوراق بيقرى فيها عشان كدة وشه مش باين .
:اممم الCV بتاعك مش بطال.
_تيانا ف نفسها: الصوت ده..... لالالالا مستحيل...
بس شكوكها طلعت صح لما نزل الورق ولقته...
_مروان: اتفضلي ياٱنسة تيانا واقفة ليه؟
_تيانا بتكمل كلامها مع نفسها: ايه ده هو بيتكلم معايا كدة ليه ؟ معقول بينتقم ؟! بس هو اللي غلطان ، مش مهم المهم دلوقت أن مش انا ابدا الشخص اللي يتعامل بالطريقة دي.
راحت قعدت قدامه بكل عملية.
_مروان: مكتوب هنا انك بتتكلمي انجليزي ،فرنساوي،ايطالي،اسباني،روسي ،وكوري كل ده اتعلمتيه ف الجامعة؟
_تيانا: لا فيه اللي درسته وفيه اللي اخدت فيه كورسات كهواية.
وبعد أسئلة كتير بخصوص اللغات اللي معاها .
_مروان: تمام هايل جدا، الشغل هيبتدي من بكرة ومكتبك هيكون هنا.
_تيانا: تمام بس معلش حضرتك قلت تحط مكتبي فين؟
_مروان: هنا مع مكتبي عشان يكون التواصل اسهل واسرع، قلتي ايه؟
تيانا كانت هترفض بس أسلوب كلامه وطريقته استفزوها.
_تيانا: موافقة.
_مروان: تمام اتفضلي وتكوني موجودة هنا الساعة ٨ الصبح وهتخلصي ٤ العصر ولو خلصتي شغلك بدري بتمشي بدري .

في شقة محمد
تيانا بتجري ورى الشباب بمضرب دبان والبنات بيحاولوا يحوشوها.
_تيانا: بقى الشغل شغل ومفيهوش عواطف ولو اتضايقتي متبينيش ولا اله الا الله.
_محمد: طب احنا غلطنا معاكي في ايه طيب ؟
_تيانا: شركة مروان مش لاقيين الا شركة مروان.
طبعا صوتها عالي وبيتكلموا وهم بيجروا قدامها.
_احمد: طب هو اتعامل معاكي ازاي؟
_تيانا وقفت: اتعامل برسمية جدا گإننا منعرفش بعض وعمره ماشافني.
_حمزة: خلاص اعملي انتي كمان زيه.
_تيانا: وهو انا سكتله دانا كنت العن منه، بس انا مش راحة الشركة دي تاني .
_احمد: غبية لازم تثبتيله أن زي مانتي مش فارقة معاه هو كمان مش فارق معاكي .
_تيانا: هو انا هنسى انكم أصحابه .
_حمزة: واصحابك انتي كمان ياتيانا ولا يمكن نخون ثقتك بس احمد معاه حق ولازم تروحي الشركة وتشتغلي واتعاملي معاه عادي خالص كأنه مديرك وبس ، فهماني.
_نور: معاهم حق ياتيانا زي ماتجاهلك لازم تتجاهليه.
_ملك: انا عن نفسي معاهم.
_حور: وانا كمان.
_تيانا: اول مرة كلكم تتفقوا على حاجة يعني .... ماشي انا موافقة ويوريني ياانا ياهو.