نصيبي

الفصل الأول

في بيت بمحافظة الشرقية..
_حنان(ام تيانا ): يعني هو كان لازم عين شمس من قلة الكليات هنا؟؟
_حسن(ابو تيانا): سيبيها براحتها ياحنان زي ماخواتها اختاروا مستقبلهم بنفسهم هي كمان تختار بنفسها.
_تيانا وهي بتبوس ابوها ف خده: ربنا يخليك ليا يا احسن اب ف الدنيا.
_حسن: ويخليكي ليا ياآخر العنقود .. كملي فطارك يلا عشان عندي ليكي مفاجأة.
_تيانا: مفاجأة ايه؟
_حسن: ولما أقلك هتبقى مفاجأة ازاى ياذكية؟!
_تيانا: ماشي ياابو علي براحتك ... اهه خلصت اهو يلا بقى وريني المفاجأة.
_حنان: هي الدنيا طارت خلي ابوكي يخلص اكله الاول.
_حسن: انا الحمد لله خلصت يلا ياست تيانا.
_حنان: والله منا عارفة أخرة دلعك فيها ده ايه؟؟
_تيانا وهي بتقرص امها ف خدها : آخرته خير ان شاء الله ياحنون... يلا ياابو على.
نزلت تيانا مع ابوها تحت عشان يوريها المفاجأة وفتحت بقها لما لقت ....
_حسن:ها ايه رأيك ياست البنات؟
_تيانا بعد ماشافت عربية شيك جدا وع الموضة وواسعة من جوه ف نفس الوقت: ايه ده يابابا ؟!
_حسن: دي عجلة بالكهربا... انتي شايفة ايه يعني ؟
_تيانا: دي عشاني؟!
_حسن: وانا عندي اغلى منك؟ انا بعت العربية بتاعتي وجبتلك دي عشان تسافري بيها انتى وصحباتك.
_تيانا بدموع: ربنا يخليك ليا ياابو علي(راحت تحضن ابوها) عشان كدة كنت بتعلمني السواقة على عرابيتك!!
_حسن: امم ... يلا بقى جربيها وانا معاكي عشان تطلعي تجهزي حاجتك عشان السفر..
تيانا بعد ما جربت العربية وحبتها جدا اتغدت وجهزت حاجتها وجت الساعة ٢ الضهر واتصلت بصحباتها مكالمة جماعية.... يتبع