نصيبي

الفصل الثاني

تيانا طلعت تكلم صحباتها ف الموبايل
_تيانا: مش هتصدقوا يابنات بابا جابلي عربية انما ايه تحفة.
_ملك: الله يعني هنتفسح ونصيع!
_تيانا: صياعة ايه ياواطية جابهالي عشان نسافر بيها ونيجي براحتنا.
_حور: ابوكي ده برنس.
_تيانا:طبعا يابنتي مش ابويا ... هي نور مش معانا ع الخط ولا ايه ياجماعة؟!
_نور: انا معاكم اهو بس بسمعكم..
_تيانا: طب يلا ياختي انتي وهي خلال عشر دقايق الاقيكم هنا قدامي انتوا ناسيين أن ورانا سفر ولا ايه ؟!
وجم أصحاب تيانا وزيها بالظبط انبهروا بالعربية وانطلقوا ف رحلتهم للشقة الجديدة والبلد الجديدة...

في ڤيلا كبيرة تكاد تكون قصر في حتة متطرفة شوية في عين شمس..
_جاسر الشاذلي موجه كلامه لدادا اسعاد:هو مروان فين ياإسعاد ؟؟
_ دادا إسعاد: استنى حضرتك يابيه ع السفرة ولما حضرتك اتاخرت طلع فوق وبعد شوية لقيت أصحابه جم .
_جاسر: اعمل ايه كان ورايا ميتينج مع وفد الماني مهم جدا.
: والوفد ده اهم من ابنك الوحيد؟!
بصوا الاتنين ع الصوت لقوا....
مروان كان ف الجناح بتاعه مع أصحابه ولما سمع صوت عربية أبوه أو الموكب زي ماهو بيسميه لأن معاه عربيات حراسة مرافقاه طول الوقت نزل له عشان يتكلم معاه..
_مروان: مكنتش عارف تتصل تقول مش جاي الاتصال مكنش هياخد معاك ثواني ... ولا صحيح هتفتكر منين مهو شغلك دايما اهم وأولى بوقتك.
_جاسر: انا اسف جدا يامروان بس فعلا مكنش في وقت اتنفس حتى .. اليوم كان مزدحم جدا .
مروان اقتنع بكلام أبوه وسامحه وكل الغضب والزعل اللى جواه اختفى لأن كمان علاقتهم مش زي اي علاقة اب وابنه دول اكتر من أصحاب وده اللي جاسر أبوه كان حريص عليه جدا لان امه ماتت وهو صغير وملحقش يشبع منها .
_مروان : خلاص مش مشكلة محصلش حاجة ... بعد اذنك طالع لاصحابي.
في جناح مروان
_محمد : بكرة اول يوم لآخر سنة لينا ف الجامعة.
_ احمد : اللي متحمسله انى اشوف بنات الدفعة الجديدة الواحد مل من البنات اللي معاه وعايز يجدد بقى .
_محمد: انت ايه ياخي التفاهة اللي انت فيها دي.. كل اللي يهمك البنات وبس؟!
_احمد: ماشي ياشيخ محمد سيبنالك انت المهم.
_حمزة : خلاص بقى انت وهو ويلا عشان نروح نشوف هنعمل ايه لبكرة.
_مروان : تروحوا فين ياجدو انتوا هتباتوا معايا هنا.
_محمد:انا اساسا كدة كدة بايت .
_احمد وحمزة: تمام واحنا معندناش مانع.
في عمارة في حي بسيط في عين شمس ولكن مش فقير...
_تيانا ركنت العربية : يلا انتي وهي هاتوا شنطكم وتعالوا.
وقفوا قدام الشقة اللي اجروها عشان يقعدوا فيها طول فترة الدراسة واللي لفت نظرهم أن الشقة اللي ف وش شقتهم كان بابها مفتوح على آخره بس مهتموش اوى ودخلوا.
_ملك: الله الشقة حلوة اوى.
_تيانا: مش انا اللي جايباها لازم تبقى حلوة يلا كل واحدة تشوف هتنام فين وترتب حاجتها لاني هقع من كتر منا عايزة انام.
وكل واحدة ظبطت نومتها وحاجتها واستعدوا لاول يوم جامعة ليهم وناموا ....
.
.
.
يتبع..