نصيبي

الفصل الخامس عشر

حور هزت راسها بمعنى اه.
محمد فجأة قام من جنبها
_محمد: يعني ايه ؟؟ يعني .. يعني ... يعني انا هبقى اب وتجيبيلي طفل قد كدة ويكبر ويقلي يابابا واعلمه المشي واوصله مدرسته، لما يغلط أقله عيب ولما يعمل حاجة كويسة اقله شاطر ،ويقلي اسف يابابا بحبك يابابا ،يابابا انا عايز ده ... انا مش مصدق .
وقعد تاني جنب حور وضمها ليه جامد والتانيين بيضحكوا على رد فعله.
_حمزة: عقبالك يانور عيني.
_نور: ياخويا انت قادر تتجوز لنا تخلف.
_حمزة: ايه اخويا دي يابت؟ وبعدين انا قادر وقادر اوى كمان ولو مش مصدقة مستعد اوريكي دلوقت.
_نور: توريني ايه؟
_حمزة: اني قادر اجيب عشر عيال مش عيل واحد.
_نور: بطل قلة ادب.
_حمزة: مش انتي اللي بتشككي ف قدراتي.
_نور: هو انا شفت حاجة عشان اشكك ولا مشككش؟!
_حمزة: منا بقول اوريكي .
_نور: يووه ياحمزة انا مش قصدي كدة انا قصدي يعني ... تؤ اسكت( وسكتت وحمزة فضل يضحك على كسوفها).

_احمد: عقبالك ياملوكتي.
_ملك: لا انا مش حمل ولادة ،احمل انت لو عايز.
_احمد: طيب دلوقت الفلاح بياخد البذرة يروح يحطها ف الأرض عشان تطلع محصول ينفع يطلع محصول من غير الارض ؟؟
_ملك: تشبيهاتك سافلة اوى على فكرة.
_احمد: انا بموت ف السفالة.
_ملك: وانا هموت منك .
_احمد: بعيد الشر امال هزرع فين؟
ملك بصت حواليها على حاجة تضربه بيها لقت شنطة خروج مسكتها وضربته بس مأخدتش بالها أن الضربة جات ف اكتر منطقة حساسة.
_احمد: ااااااه البذور باظت.
_ملك: هههههههه احسن.

تيانا بصت عليهم كلهم لقتهم مبسوطين جدا وفعلا قصصهم جميلة ، بس هي قصتها ناقصة كانت رافضة مروان عشان كان عندها حلم بس الحلم خلاص اتحقق.. الجامعة خلصتها والشغل عندها وظيفة مكنتش تحلم بيها، دلوقت معندهاش اي سبب يخليها ترفض مروان أو ترفض حبه أو تنكر حبها ليه، أيوة هي بتحبه وبتحبه اوى كمان بس دلوقت لازم تتأكد إذا كان مروان لسه بيحبها ولا لا ولو لسه فلازم تخليه يعترف.

ملك ونور فرحهم قرب فرجعوا على بلدهم عشان يجهزوا نفسهم ويقعدوا مع اهاليهم وفضلت تيانا لوحدها ف الشقة معظم الوقت قاعدة عند الحاجة ثناء ده لو مش بتشتغل واهلها بييجوا يزوروها من الفترة للتانية وسابوها براحتها ومأجبروهاش ترجع بلدها بعد الجامعة عشان عارفين أن هي نفسها تكون نفسها وده بييجي بالشغل وانبسطوا بالوظيفة اللي هي فيها وأبوها رفض ياخد منها أي فلوس من مرتبها وقالها تخليه لو احتاجت منه حاجة مع أنها أصرت كتير عليه .

في شقة محمد وحور
في اوضة النوم محمد نايم وحور نايمة ف حضنه وعمال يلعب ف شعرها التليفون رن
_حور: مين ده؟
_محمد: ده مروان تلاقيه عرف بالحمل وعايز يبارك... الو(....) الله يبارك فيك ياحبيب اخوك عقبالك(.....) الله يخليك ياحبيبي(.....) اه إن شاء الله (.....) هههههه مش للدرجادي(.....) مشاكل ايه بس كله يهون(.....) ماشي ياحبيبي سلام سلام.