တစ်ဖက်ခန်းမှ သက်ပြင်းချသံသဲ့သဲ့ကိုကြားလိုက်ရသည်။အိပ်နေရင်း အမေကိုက်ခဲပြန်ပြီထင်တယ်။ အင်ကြင်းမေပါရောယောင်ကာ သက်ပြင်းဖွဖွချလိုက်သည်။ အားကိုးရာလင်ယောင်္ကျားမရှိတော့သော မုဆိုးမတစ်ယောက်အနေနဲ့ သားသမီးတစ်ယောက်ကိုပြုစုပျိုးထောင်ရတာ အမေလွယ်ကူမည်မဟုတ်။ အဖေ့လက်ထပ်လုပ်ရင်းဖြစ်သော
ဆေးလိပ်ခုံရှိသည်ဆိုသော်ငြား အရင်က အဖေဦးဆောင်ဦးရွက်ပြုကာ လင်မယားနှစ်ယောက်အတူလုပ်ခဲ့သောစီးပွားရေးသည် ယခုအမေတစ်ယောက်ထဲလုပ်ကိုင်နေခဲ့ရသည်မို့ အရင်လိုအခြေအနေမရှိတော့။ ချမ်းသာသည်ဟုနာမည်ကြီးသော်လည်း
အမေပင်ပန်းနေသည်မှာ အင်ကြင်းမေသာသိသည်။ အင်ကြင်းမေအားလျှင် ဝင်ကူသော်လည်း ယခုတော့ အင်ကြင်းမေကလဲရှိပြန်မည်မဟုတ်တော့။ ညီမလေးယမင်းမေကလဲ ယခုမှ ၈တန်းကျောင်းသူသာရှိသေးသည်။အမေ့၏သက်ပြင်းချသံတွင် အင်ကြင်းမေအတွက်လဲပါမည်ထင်၏။
“ သမီး ကျောင်းဆက်တက်ချင်ပေမယ့်
အမေကအဆင်ပြေပါ့မလား ”
“ ဘာမပြေစရာရှိလဲ အမေတို့မှာငွေကြေးလုံလုံလောက်လောက်ရှိပါတယ် တစ်မြို့တစ်ကျေးမှာင့ါသမီးမျက်နှာမငယ်စေရဘူး ”
အမေ့၏စကားသံမှာထက်သန်နေသော်လည်း မျက်ဝန်းတွင်တော့ညိုးငယ်နေသည်ကို ခံစားမိသည်။အင်ကြင်းမေကလဲ
မန္တလေးမှာမှကျောင်းတက်ချင်သည်။
“ ဒါကိုပြောတာမဟုတ်ဘူးအမေ အမေတစ်ယောက်ထဲဆေးလိပ်ခုံကိုထိန်းနိုင်ပါ့မလား။
ညီမလေးကလဲ ငယ်သေးတယ် သူဝင်ကူနိုင်ဦးမှာမဟုတ်သေးဘူး ”
“ သမီးအဖေမရှိထဲက အမေတစ်ယောက်ထဲလုပ်ကိုင်လာတာပါ တိုင်တိုင်ပင်ပင်ပြုစရာငါ့သမီးမရှိတော့ပေမယ့်လဲ အမေထိန်းနိုင်ပါတယ်။ အကုန်လုံးကလူရင်းတွေပဲလေ အမေမပင်ပန်းပါဘူး ”
အင်ကြင်းမေ၏မျက်ဝန်းတို့တွင်အရည်လဲ့ကာစိုစွတ်လာသည်။ တစ်ခါမှခွဲခွာကာမသွားဖူးသည်ကြောင့်ရော၊ အမေတစ်ယောက်ထဲရုန်းကန်နေရမည်လားဟုတွေးမိသည်ကြောင့်ရော ရင်ထဲတင်းကြပ်ကာဝမ်းနည်းလာသည်။
အမေ့ရင်ခွင်ကြားတိုးကာ ငိုချမိတော့ အမေကပါရော၍ငိုလေသည်။ညီမလေး ယမင်းမေသည်လည်း အမေဖြစ်သူနဲ့အစ်မဖြစ်သူကိုကြည့်ကာ သူလဲမျက်ရည်ဝဲနေ၏။
YOU ARE READING
တည်စေသော်.. {Complete}
Romanceမန္တလာမြေကိုတိုင်တည်၍ မန္တလေးတက္ကသိုလ်ကိုသက်သေပြုသည်။ ဤကျောင်းတော်ကြီးတည်ရှိနေသရွေ့ ကျွန်မ၏အချစ်သည် တည်တံ့စေသား၊တည်စေသား....။ မႏၱလာေျမကိုတိုင္တည္၍ မႏၱေလးတကၠသိုလ္ကိုသက္ေသျပဳသည္။ ဤေက်ာင္းေတာ္ႀကီးတည္ရွိေနသေ႐ြ႕ ကြၽန္မ၏အခ်စ္သည္ တည္တံ့ေစသား၊တည္ေစသား....။
