" ليست كل الكوابيس سيئة أحياناً تمُر علينا أوقات نتمناها كابوس ثقيل نفيق منه بفرحة تصبح الدنيا أوسع لأنه حلم مزعج ومّر بسلام.. الخيبة أن يكون هذا الحلم المزعج ما ستعيش به باقي حياتك"..
احمد:
يوم زي الغمامة السوداء،، حسيت بي وجع القلب كيف بيكون وعرفت إنه اللي مات ارتاح من أي وجع ربنا ليه حكمة إنه يموت زول عزيز علينا وقريب،، ونحس إنه ده قمة الوجع بعدين يمر علي موقف جدي وفاطمة..
واعرف إنه ما الموت أرحم وأحن من البيحصل في الحياة..
إنه روحك وجسدك الاتنين يموتوا اهون جداً من تموت الحياة فيك وانت مجبر تكمل بي بواقي روح..
زي ما فاطمة حتكمل حياتها..
( حسيت من الصباح إني عايز امشي بيت جدي استحم واغير ملابسي اتأخرت زي ساعة لانه الضيوف قاعدين..
مشيت لي حبوبة اشيل مفايتح البيت قالت لي امشي هناك في فاطمة وجدك بتلقاهو قاعد..
احترت كيف امشي وفاطمة براها احتمال تتضايق.. لاقتني حنان وقلت ليها تمشي تجيب لي ملابسي قالت لي انا اصلاً ماشة،،لقيتها فرصة هي تقعد مع فاطمة وانا امشي اغير ملابسي واجي راجع..
مشينا بالشارع وقعدنا نتونس لحدي البيت..
اول ما وصلنا الشارع شايف عم عادل بيضرب في الباب وبيصرخ.. جرينا عليه قال لينا فااطمة فااطمة
انا بقيت ما واعي يارب الحصل شنو..
قال سمعتها قبل نص ساعة بتكورك وانا ما قادر افتح الباب..
عم عادل حرفياً كان مهبط وما قادر يتحرك خوفنا فاطمة يحصل ليها شي..
انا نطيت الحوش وفتحت ليهم الباب من جوا وجرينا نفتش،، حنان دخلت البيت وقعدت تكورك..
وااااااي،،فاااااااطمة تعاااااالي قوووميي.
جرينا لقينا البت مرمية في الارض والدنيا مليانة دم.. وشها حرفيها منتهي مخربش وملابسها مقطعها..
استوعبنا انه حصل ليها اعتداء..
"اغتصاب"،، وفقدت الوعي شكلها اتعرضت لي ضرب،، بقينا انا وعم عادل خاتين يدينا في راسنا..
عم عاد ده قعد في الأرض وشغال لا حول ولا قوة الا بالله إنا لله وإنا إليه راجعون..
حنان حرفياً حالتها بقت تصعب على الكفار جات لأي واحد فينا وبقت تبكي مالكم؟ فيها شنو قولوا لي
ما مات صح؟ عايشة انا لمستها ده من العمل فيها كدا،،اخخخخ يااا فاااطمة قوووميي😭😭،،
كانه انا وعم عادل اتشلينا بقينا ما قادرين نتحرك ،،انا اتمنيت انه ده كابوس لا لا ده اكيد حلم بقيت بضرب في نفسي وطلعت برا البيت.. وجيت تاني..
..
البيت مقفول،،وفاطمة براها ده منو ال عمل كدا،، الصدمة الدخلت فيني لما لقيت جدي جاي علي ووشه علي اثار اصابع وخربشة ومليان دم.. مجروح
