كان واقف يناظر الارض وهو يسمع ابوه يصارخ ويهاوش عليه وهو مايقدر يدافع عن نفسه فرفع راسه لما سمع خطوات ابوه تبعد فتنهت وراح هولغرفته قبل يشوفه احد ويمسكه تطنز فدخل غرفته والغصه وافقه بحنجرته وكالعاده راح لفراشه ينام فهذا حاله اذا ضاق صدره وماقدر يفضفض وماامداه ينام الا واحس باحد يطيحه من السرير ولكن ماتفاجئ كثير لا ن مافي احد يسوي هذي الحركه الا ولد عمه خالد فقام وهو ناوي يضربه بس هرب كعادته الجبان ولانه متاكد ان اورانوس مايقدر يسويله شي وهو بحماية جده واعمامه وطبعا ابوه فدعا اورانوس ان الله ياخذه ويفتك منه ومن ابوه وماكمل الدعا الا عمه صالح ابو خالد بوجهه يهاوش ويقول :يالكلب وراك ضارب ولدي وش سواك يوم انه جاي يقومك علشان تطفح جعلك تطفح السم هذا جزاه ياقليل الخاتمه
اورانوس بقهر مغطى ببرود :والله انا ماجيته واسم الله عظيم ثم اذا تخاف على هالبغل جعله المحي وراك راسله لي
عمه صالح : شوفوا قليل الادب وش يقول يبيله جلد علشان يتأدب
فمسكه يضربه ولكن اورانوس قاوم وضربه على معدته ثم مسك شعره وضرب راسه على الارض بقوه الا عمه اغمي عليه فناظر خالد الي من دخل ابوه وهو يتضيحك فقمط خالد ونزل يعلم عمانه وجده بالي صار مع زود بهارات اما اورانوس فركض يهرب من القصر قبل يجونه عمانه ويضربونه فركض بقوه ماعنده لمزرعة قريبه منهم بس مايعرفونها اهله كان دايم يتغبى بغرفه المزارع الي كان دايم بابه مفتوح له وبحكم ان الوقت ظهر كان المزارع نايم ولكن عكر نومه صوت طق الباب القوي فقام بسرعه يفتح الباب وهو يسمي ولما فتحه لاقى اورانوس يلهث ووجهه مخطوف وشفايفه مزرقه فبسرعه قعده على سريره وعطاه بخاخه الي يحتفظ فيه دايم فاخذه اورانوس وحطه بفمه ثم بعده لما اخذ البخه الثالثه وحس انه رجعله نفسه فتنهت براحه مادامت لما شاف وجهه المزارع الغاضب يحتريه يفسر وضعه وش هي المصيبه الي جايبها معه فقاله الي صار الا لم المزارع راسه من الصدمه فقال واثار الصدمه موجوده :يالهوي يارب استر يارب دا الواد هيجنني عما قريب في احد صاحي يضرب عمه انت عاوز تنسجن
اورانوس :عمي امين هو يستاهل جاي يتقوا علي وبعدين هذا شي من لاشي يستاهل جعله وولده المحي عمي اتركنا منه عادي اقعد عندك واوعدك اساعدك ها وش قلت
المزارع : تهزر والي اشتغل عنده اقوله اي ان شاء الله
اورانوس :عمي هو مسافر ثم انا بس يوم يومين الين بس جسمي يخف وجع شوي قبل امس بغوا يقبرونن بس ربي ستر
المزارع :خلاص ابقى عندي الين مايجي العم طلال تمام كدا
اورانوس :اي تمام التمام ياجعلني افداك
فقام وحب راسه بقوه الين بعده العم امين وهو يضحك
فقال المزارع :يلا انا عاوز اكمل نومي الي انقطع نام على الارض دلوقتي لحد ما اقوم واضبطك
فراح اورانوس ينسدح على الارض وهو يفكر بوش صار على عمه وكيف بينجى من اعمامه وماحس الا بنوم اخذه
سلام اتمنى تدعموني بهذه الروايه واعتذر على الاخطاء الاملائيه واعتذر لاهل مصر حاولت اكتب كلامكم وهذا الي طلع معي 😂
