الخميس 4:15 العصر
قاعد بغرفته يحتري خالته تخلص تجهيز وتصوير بنتها علشان يطلعون ، فقام من انسداحه لما حس بدخولها فقال : خلصتي؟
نوف : باقي بس البس عباتي انت خلصت ؟
اورانوس : اي مخلص بس بجدد وضوي
نوف وهي تروح : زين اجل احتريك بالسياره
فراح اورانوس وجدد وضوه واخذ علاجاته احتياطا مع بوكه ثم طلع وفعلا لقاها بالسياره فركب ، فحركت السياره فقال بعد ماكانت السياره هاديه الا من مناغى ياقوت : وين نبي نروح ؟
نوف وهي مركزه بالطريق : نبي نروح لسينما ثم نبي ندور بالمول وبعدين نبي نروح لكافيه واخر شي مطعم ويمكن نختمها بحديقه
اورانوس : اح كل ذولي
نوف : اي مو قلتلك نبي نفرفر ببريده وترا علشان الوقت ولا كان زودت اماكن بس وش رايك نكمل بكرا
اورانوس : زياده! ماتملين من الدواران
نوف بضحكه : وراك تقل رجلي ، عاد تدري انه علمن السواقه وشرالي سياره بس علشان يفتك من مشاويري
اورانوس : والله مالومه
نوف وهي تشغل جوالها بعد ماوقفتها الاشاره : شف شف بالله رده فعل ياقوت اذا شغلتلها جمل جمل
فبدت ياقوت تتحرك وتصارخ بمجرد ماشتغلت واورانوس المسكين مصدوم حتى بنتها هبله مثل امها واي شي يرقصها وكانت نوف بس تضحك وترقص بيدها مع بنتها
فوصلوا للسينما بعد ماشغلت نوف كل اغاني الاطفال لبنتها فقال اورانوس بعد مانزل من السياره : وش تبي تسوين بياقوت ما اظن تقدر تدخل معنا بالسينما
نوف : اي ماراح يدخلونها بس بحطها بالحضانه الموجوده بالمول
اورانوس بتعجب :حضانه
نوف : اي حضانه نظامها بالساعه
فراحوا للحضانه وحطوا ياقوت ثم راحوا للفلم وكان باقي له ربع ساعه فشرت نوف ببكورن مع ببسي واورانوس اكتفى بعصير ثم دخلوا للفلم الي كان كوميدي وحلو نساه
همومه وضحكه ضحك ماكد جربه ثم لحسن حظه لما خلص الفلم كان توه مذن المغرب فراح يصلي ثم رجع لخالته الي كانت اخذت بنتها من الحضانه فبدت ياقوت تناقز تبيه
يشيلها فشالها ثم بدوا يدورون بالمول وهو بالحقيقه هو الي يدور لان خالته مابقت شي الا وشرته لها ولعيالها ثم لما صارت على الساعه تسع قرر اورانوس ياخذ خالته للكافيه
الي يشتغل فيه وفعلا راحوا وقهر زملائه الي خدموا عليهم وتوعدونه بضحكة بشغل بكرا ، ولما خلصوا راحوا للحديقه لانهم كانوا شبعانين على العشاء فقعدوا بالحديقه
