يوم الاحد الساعة 7 صباح
قام اورانوس من نومه ولما استوعب قام بسرعه للحمام وهو يستغفر لان صلاة الفجر فاتته وبسرعه صلاها علشان يدخل يتحمم ولما خلص من كل شي كانت الساعه 7:40
دقيقة فطلع من البيت الي من دخله قبل سبع سنين وهو كابوس عيا يخلص فركب سيكله وراح للجامعه الي كانت تبعد ساعه بالسيكل فيضطر يطلع قبل الوقت ولما وصل كان
باقي ربع ساعه على محاضرته فدخل الحمام يغير ملابسه عقب الطريق الي خرب تروشه فغير وتعطر ثم طلع يزين شعره ثم دخل للقاعه وماصدق تخلص المحاضره من
معلوماتها الي توجع الراس بس على قوله المثل من بغى الزين يصبر فلما خلص كل محاضراته كانت الساعه 2:30 الظهر فصلى ثم راح لشغله الي كان كافيه وكان يبعد
عن الجامعه نص ساعه وطبعا كان لازم يروح بدري فلبس كاب لعلى وعسى يحميه من الشمس فلما وصل كان خلاص منتهي من الحر والجوع فراح لدواليب الي كانت
للموظفين واخذ ملابس مع فوطه ثم اخذله دش سريع ردله روحه ثم طلع لما خلص كل شي واخذله وجبه كانت فوق الطاوله ضمن وجبات ثانيه وهذي الوجبات كان راعي
الكافيه يوفرها للموضفين بحكم ان الكافيه 24ساعه كان الراعي موفر الفطور والغدى والعشى وكان لحسن حظ اورانوس يلحق على الغدى والعشى ولما خلص كان قد اذن
العصر فصلى جماعه واخيرا ثم بدا شغله وطبعا من ضغط الشغل نسي ان عنده محاضره عن بعد بس الحمدلله ان في واحد ذكرهم بالقروب فدخلها بنت الكافيه فصار الضغط
ضغطين يرد على الدكتور ويرد على الزباين وماخلص من المحاضره والدوام الا راسه صاكه صداع فخلص على الساعه عشر بليل فأخذ اغراضه وراح لبيت جده وهو
يدعي انهم نايمين ماله خلق الهواش بس لما وصل لقى لمبات البيت مفتوحه وهذا يعني ان جده عازم له احد فدخل بتخفي بس صاده خاله احمد الي قاله يلحقه يساعده بالضيافه
فرقى يحط اغراضه ويلبس ثوب وهو يتنهت من كثر ملابسه الي غيرهم اليوم والي الاكيد يبون غسيل فنزل وهو مايشوف الدرب من كثر النوم فنزل وساعد خاله وصار
الصباب وهو يصب ازلقت يده الي فيها فنجال جده وهذا من قراده حضه يعني مالقت يده ترتخي الا عند جده فهو تلاحق الموضوع وخلى الفنجال ينكب على يده وفخده الي
رفعه علشان ماينكسر الفنجال وطبعا جده استغل هالفرصه وبدا يسبه ويشتم فيه والشياب الي معه يحاولون يهدون فيه الين قال ابو راشد وهذا جارهم قال لاورانوس يروح
يعالج روحه فراح اورانوس وهو ماسك الصيحه من الفشيله والقهر الين دخل غرفته وانفجر صياح هو انفجر من ضغوط اليوم عليه ولا جده مو اول مره يصرخ
ويفشله بل بالعاده يوصل للضرب فلما خلص قام يمسح دموعه ثم اخذ ملابسه وغسله بيده في حمامه لان جده ماسمحله يستخدم الغساله ولا اي شي يخصهم فلما خلص من
غسيله كانت الساعه 12:30 بليل فخلاص هنا يحس انه شوي ويموت من وجع جسمه وخاصتا رجلينه وراسه فراح ينام وهو بايعها لانه مانزل يساعد خاله .
سلام ياحلوين معليش على الغيبه بس فقدت الشغف بالكتابه والحمدلله رجع ادري البارت قصير بس هذا البارت رحله من مراحل انتقال حياه اورانوس قولولي رايكم تراه يهمني وبس احبكم
