اورانوس

part5

الاربعاء باليل
كانت الساعه 3:30 وهو مانام لان من امس زايره ضيف ثقيل دم مايغيب طويل وهو الارق الي عادي يدوم لثلاث ايام متواصله فقرر يقوم يصلي وتر يشتكي فيه لربه

فصلى بخشوع الين قعد يصيح يشتكي لله من الظلم الي عايش فيه فلما خلص قعد يقرا القران الين سمع صوت الاذان فقام يصلي بالمسجد وطبعا ماصادف احد من خواله او

جده لانهم مايصلون الفجر بالمسجد مايدري ليش كل الصلوات يصلونها بالمسجد الا الفجر ، فرجع لغرفته وقعد يذاكر لاختباره ولما صارت الساعه8 قام يتحمم يستعد لدوامه

فوصل وكانت الحمامات زحمه فاضطر يتاخر عشر دقايق عن المحاضره وهذي المحاضره دكتورها متشدد من ناحيه الحضور فركض علشان يوصل وكان كلن يناظره

بستغراب بس ماهمه المهم لاينطرد من الاختبار فوصل وهو خلاص مافي نفس ففتح الباب وكان الدكتور يبي يهاوش بس لما شاف وجهه خاف لان حرفيا كان احمر ومايقدر

يتنفس فطلعه الدكتور وقعده برا علشان يقدر يتنفس اكثر فقال وهو خايف عليه : بسم الله عليك تنفس حاول يلا

فحاول اورانوس بس برضو ماكان كافي فطلع من شنطته بخاخ ربو وبدا يحاول يستنشقه والدكتور كان يهف عليه بالاوراق ويسمي عليه وشوي شوي بدا النفس يرجعله فلما

شاف الدكتور انه تحسن قال : الحين يوم انك فيك صدر وراك تركض المره ذي عدت بس مو كل مره تسلم الجره

اورانوس بفشله : وش اسوي دكتور خفت انك ماتدخلن اختبر

الدكتور: انت تدري اني ادخل الطلاب لو عندهم عذر المهم الحين ادخل بس مستقبلا لو اشوفك تركض ماراح ادخلك مو لانك متاخر لانك تركض مفهوم

قالها وهو يمد يده لاورانوس الي مسكها وقام يدخل للقاعه فلما دخل كان الطلاب فيهم فضول بان من عيونهم الي نزلوها لما قالهم الدكتور : كل واحد عيونه بورقته فقعد واخذ

ورقه واختبر والحمدلله كان الاختبار سهل ولماخلصوا من الاختبار فجعهم الدكتور ان في محاضره فحضر المحاضره ولماخلصوا كان الدكتور يبي يطلع بس قام اورانوس

بسرعه علشان يوصل له وهو يقول : دكتور صالح

فالتفت صالح له ووقف فقاله اورانوس وهو يوقف جنبه : اعتذر يادكتور على الي صار اليوم

صالح : لا تعتذر ياورانوس والله مايهم شي غير صحتك لاتتهاون فيها يعني حتى لو تاخرت ميخالف تكلم مع الدكتور سوا انا او دكتور غيري وان شاء الله نبي نتفهم عذرك

اورانوس : ان شاء الله اخر مره ومشكور

صالح وهو يمشي : العفو

فطلع اورانوس من القاعه وبما ان اليوم ماعنده محاضره الا الي قضت فطلع وراح للكافيه لانه متبادل شفت مع احد الموظفين فخلص على خمس العصر فراح للبيت وهو

خلاص ميت نوم بس صبر نفسه الين صلى العشى والحمدلله ان جده اليوم موفاضيله لانه اصلا ماشافه بس توقع انه معزوم عند احد جيرانه فنام واخيرا بعد ارق يومين

والمره هذي ما اضطر ياكل منوم فهذا يعتبر انجاز ، وهذي حياة اورانوس من اربع سنوات من بدا يشتغل ويعتمد على روحه لان قبل ماكان يجي الشي بالساهل ولا كد

اشترى شي جديد كانت ملابسه واغراضه ياخذهم من اغراض خاله احمد الصغير الي يكبره بسنتين

يوم الجمعه الساعه اربع ونص

قام على اذان الفجر وهو يحس بالطاقه والانتعاش فقام صلى ثم رجع يشغل بودكاست وبعدين قعد ينظف غرفته ويغسل نباتاته الي الغبار كان فيهم ثم غسل ملابسه وغسل

الحمام فلما خلص حس جسمه يطلب الرحمه بس ماهتم لانه راح يتحمم وثم راح للمسجد يقرا قران الين جاء وقت الصلاة فصلى ثم راح لسوبر ماركت الي كان قريب من

بيت جده فدخل واخذله مقاضي الاسبوع الي من حظه كان في تخفيض عليهم وخاصتا فرح لما لقى تخفيض على صابون الملابس لان كان غالي شوي بس هو الصابون الي

ماكان يثير صدره فشراهم وطلع وهو ماخذ العربيه بس محد قاله شي لانهم متعودين عليه ياخذها وثم يرجعها فوصل وبدا ينقل الاغراض وهذي المهمه من اصعب واكرهه

المهمات بالنسبه له لان الاغراض كثيره وغرفته بالدور الثالث فخلص بعد نص ساعه لانه كان يستريح ثم يكمل طريقه فخلص ورجع العربيه ورجع للبيت وهو خلاص ميت

جوع فنظم الاكل وزين له رز بقدره الكهربائي الي ماندم على شرايته فاكل وقعد يستعد لدوامه وهو يمشي بالسيكل ضاق عليه نفسه فطلع البخاخ وهو ملاحظ انه صار اي

مجهود يتعبه وينكتم بس وش يسوي مضطر انه يشتغل ويمشي على هالسيكل لان السياره مستحيل يقدر يشتريها وبرامج التوصيل غاليه وراتبه يلا يلا يكفي احتياجاته اليوميه

لكن ماتضيق الا وتفترج فوصل واشتغل مثل العاده او ازود لان الكافيه كان زحمه بحكم انه نهايه اسبوع بس عدت فطلع لما خلص ووصل البيت الي كان كاره انه يدخله كان كل

خواله وخالاته مجتمعين والبيت ازعاجه واصل له وهو برا فدخل غرفه بتخفي وقعد يستعد للنوم بس ماامداه يفرح لان سمع دق بابه فقام وفتحه فلقاه ولد خاله ناصر فقال

ناصر له بسرعه وهالسرعه علشان يرجع يكمل لعب : جدي يقول اذا ماجيت ياويلك تراي شايفك وانت ترقى

فتنهت اورانوس من جده الي يشوف على كيفه فلبس ونزل وسلم عليهم وهو مكره بس تحمل ماله بالمشاكل وماصدق انهم راحوا وكان ناوي يروح ينام بس قاله جده كلام

طير النوم من عيونه

سلام كيفك وش رايكم بالبارت رايكم يهمني ووش تتوقعون قاله جده