يوم الاربعاء الساعه 10 الصبح
كان اورانوس يقنع عمه انه يطلع وانه بخير بس كل حيّله فشلت لان عمه مصمم وهو مايبي يفحص بس استسلم لما جت الممرضه تبي تاخذه لغرفه الاشعه فراح بكرسي متحرك للغرفه لانه مايقوى على
المشي وهو مكره هو يدري وش فيه ويقدر يقول لعمه ويرتاح بس عمه ماراح يصدقه فسكت وخلاه مفاجئه له ، وبعد ساعتين رجع للغرفه بس خلوه بغرفه فيها بس مريض واحد غيره بدال الخمس
مرضى الي قبل لان كان بالطوارى فنسدح فقال فيصل وهو يجلس بجنبه : الحين تبي تعلمن وش فيك ولا شلون
لف اورانوس له وقال: لا خلها مفاجئه لانك حتى لو قلت لك ماراح تصدقن
فيصل : اي توبه اصدقك وانت ماكل علاج تدري انه يبي يسممك ومسكت وبعدين تعال ليش ماقلت للدكتور انه مايناسبك
اورانوس : لاني عارف حالتي وانت الا تبي تودين له فسكت وطعتكم بشوف نهايته ايش
فيصل : هذا غباء اسمه لو انك معلمن وش فيك من البدايه ماوديتك له وهاه نهايته مرقد ، وبدري وش فيك مير اترك حركات البزران وعلمن وش فيك
اورانوس : مافيني شي
فيصل : سبحان الله والي مافيه شي ينصرع وتعبان ولا ياكل
اورانوس : عادي اذا انصرعت مره صرت مريض!
فيصل وهو يمسك يده يبيه ينتبه ان الموضوع جدي: اورانوس لو انت اول مره ماكنت متقبل هالموضوع بهالبساطه فخلص علي وعلمن
اورانوس بتنهت يبي ينهي الموضوع البايخ هو نيته ان اهل ابوه مايدرون عن مرضه شي بس مادرى ان يبي يطلع له عم من تحت الارض وينشب له فقرر انه يعلمه لان هذا العم ارتاح له ويدري انه
يبي يساعده ماراح يتشمت فيه فقال وهو يلعب باصابعه وكانها اهم شي : المهاجم فيني المهاجم
فيصل بستغراب : هاه وش ذا اول مره اسمع فيه تلعب علي علشان اسكت لك صح
اورانوس بنفعال: شفت قلت لك ماراح تصدقني
فيصل هو بعد بنفعال: اي بلا من ردودك الي تجلط
فرد المريض الي معهم بالغرفه : اسكتوا ابي انام تهاوشوا برا
فناظر فيصل باورانوس الي يناظره هو بعد بستغراب من وين جاء ذا ، فكسر فيصل عيونه عن اورانوس يفكر ثم رجعها عليه ولقاه يناظره للحين فقال : خلاص بصدقك وش هذا المرض اشرحه
تنهت اورانوس وقال: المهاجم هو مرض مناعي يهاجم الجسم يبدا بالاعصاب بالبدايه وهو خفي لانه اعراضه تتشابه مع امراض ثانيه وبعدين يبدا يهاجم الجسم الين يقضي عليه كله ولا يخلي ولا شي
من الجسم يشتغل صح طبعا انا بالمرحله الي تعتبر امنه لانه هاجم المعده والاعصاب بس بالبدايه والبنكرياس البنكرياس عندي نشط هو المفترض في الحاله الطبيعيه يصير فيه خمول بس هو مع الاسف
علي وعلى المرضى عموما يسبب بنشاط البنكرياس تجيني نوبات صرع موب لاني مريض صرع لا لاني مريض بهذا المرض اخخ ماعرف اشرح بس هذا هو . قالها ووجهه حمر لان هذا اطول جمله
قالها يمكن بحياته
اما فيصل مصدوم وشلون ولده مريض بهالمرض وهو مايدري اصلا شلون عاش فقال اورانوس يهون صدمة عمه الي بانت على وجهه : تراي توي بالبدايات يعني على حسب كلام الدكتور يبيلي الى
عشرين سنه لو اهتميت بنفسي على سدحه السرير ويمكن اكثر بس تكفى ياعم مابي احد يدري
فيصل بعد مافاق من صدمته : ومن متى وانت مريض
اورانوس وهو يحاول يتذكر : امممممم على كلام امي فاطمه يمكن اكتشفت وانا عمري ثلاث سنين طبعا حاولت بابوي يعالجني بس ماصدقها فهي صارت هي الي تودين للمستشفى وتعتني فيني الله يجزاها خير
فيصل : الخدامه ؟
اورانوس : اي
فيصل وهو يمد رجوله فوق رجول اورانوس : طيب وكيف لما رحت لبيت اهل امك من اهتم فيك
اورانوس يناظر السفق : امي منيره الله يرحمها وانا الي علمتها وهي احفظت سري الين اندفنت
فيصل : اخخخخخخ منك يااورانوس وشلون تغبي موضوع كبير زي كذا يعني لو اني ما اصريت عليك تعلمن كان للحين تكابر
اورانوس : كبير بنسبه لي ولك لكن لو بقول لعماني كان اخذوها كنقطة ضعف هذولا وحوش وخوالي مايقلون عنهم والحمدلله انا قبل لانام استوعب الله نفسي ومشت الامور
فيصل : الحمدلله بس من اليوم ورايح انت بحسبه ولدي اي شي يصير او تبيه علمن ولا لي كلام ثاني معك تسمع
اورانوس : ان شاء الله بحاول
فيصل : ان شاء الله بدون محاوله ان شاء الله بفعل المهم انت الحين نام وانا شوي واجيك
هز اورانوس راسه لانه فعلا يبي ينام وخاصتا انه يحس انه خفيف السوالف مع عمه يريحه يحس بشعور اٌلفه معه مع انه مايعرفه الا من وقت قصير فنام و الابتسامه محليه وجهه
سلام من جديد استانسوا بارتين بنفس اليوم والسبه بريك اطول مني يالله المهم اني استغليت الوقت ،البارتات كنت كاتبتهم بدفتر وكانوا يحتاجون تعديل فعدلت فيهم وزودتهم المهم هذا البارت كنت بخلي اورانوس غامض بس اكتشفت انه الموضوع مو مستاهل وفي الاخير كالعاده ترا رايكم يهمن وبس احبكم 💋
