unicode
"ရန်မဖြစ်နဲ့လား ညီမလေးရယ်"
'အေး'တစ်ယောက် ညီမဖြစ်သူ၏မျက်နှာပေါ်မှ ဒဏ်ရာများကို ကြပ်ထုပ်ထိုးပေးနေသည်။
"ဟာ..ညီမလေးလည်းရန်ဖြစ်ချင်ပါ့မလား?အခုဟာက အဲ့ကောင်တွေဘက်က သပ်သပ်ကြောလို့ ရန်ဖြစ်ရတာ..အ့..ဖြည်းဖြည်း
လုပ်ပါ..'အေး'ရာ..ဇွတ်ထိုးနေတာဘဲ"
"သြ..ရန်ဖြစ်တုန်းကတော့ မနာဘူးပေါ့"
သူပြောလိုက်တော့ ညီမဖြစ်သူက မျက်နှာလေးရှုံ့ကာ နှုတ်ခမ်းလေး
ဆူသွားသည်။ဆံပင်ဂုတ်ဝဲလေးကို ထိပ်တွင်ကြက်တောင်စီးလေး
စည်းထားသော ညီမလေးသည် မိန်းမလုံးဝဆန်မနေပါ။သို့ပေမဲ့ချစ်ဖို့တော့အလွန်ကောင်းသည်။
"ညီမလေးတို့ဘက်ကကြက်က နိုင်တော့မလို့ဟာကို အဲ့ဘက်ကောင်တွေက သူတို့ကြက်ကိုပြန်ဆွဲယူသွားတာ..အ့..ဖြည်းဖြည်း"
"ကျွတ် ကျွတ် ကျွတ်!"
"ဒီပွဲနိုင်ရင် အချီကြီးရမှာ..ဒီပွဲသာနိုင်ရင် ခါချဉ်က ညီမလေးကို
ပိုက်ဆံတစ်ဝက်ပေးမယ်တဲ့ "
"ဘယ်လောက်တောင်လောင်းထားလို့လဲ?"
သူမေးတော့ ညီမလေးက သူ့ဘက်ကိုမရဲတရဲလေးကြည့်ပြီးသွား
ဖြဲပြနေသည်။
"ဟို...လောင်းကြေးက၅သောင်းပါ"
"ဘယ်လို!၅သောင်း!"
'အေး'မျက်လုံးတွေပြူးကျယ်သွားတော့ ညီမလေးလည်း လန့်သွား
ရှာသည်။
"ဟုတ်..ဟို.."
"ဘာတွေလိုအပ်လို့ အဲ့လောက်တောင်လောင်းရတာလဲ နှိုင်းမမှီ!
ငါရှာကျွေးတာကိုဘဲ ငြိမ်ငြိမ်လေးထိုင်စားနေလို့မရဘူးလား?ငါ
ပေးတာတွေကမလုံလောက်လို့လား?"
"ဟို..မဟုတ်.ပါဘူး..'အေး'ပင်ပန်းနေတာကို..မကြည့်ရက်လို့ပါ..
'အေး'တစ်ယောက်တည်း.ရုန်းကန်နေရလို့..ညီမလေးက တစ်ဖက်တစ်လှမ်းကနေ ပိုက်ဆံရှာ.."
YOU ARE READING
ေမာင့္ရင္ေအးေစခ်င္...(completed)
Romance🌺သူမ်ားေတြက အသက္႐ွဴမွားေလာက္ေအာင္လွတယ္တဲ့ 'ေအး'ကေတာ့ အသက္႐ွဴမရေလာက္ေအာင္ လွတယ္ 'ေအး'ရယ္🌺 🌺သူများတွေက အသက်ရှူမှားလောက်အောင်လှတယ်တဲ့ 'အေး'ကတော့ အသက်ရှူမရလောက်အောင် လှတယ် 'အေး'ရယ်🌺
