unicode
"နှိုင်းမမှီ နင်ဘာဖြစ်နေတာလဲ?"
ကန်ရေပြင်ကို မှိုင်တွေတွေလေးငေးနေတဲ့ သူငယ်ချင်းဖြစ်သူအား
ခါချဉ်မေးလိုက်သည်။ဘာမှမပြောမဆိုဘဲ သူငါးမျှားတဲ့ဘေးလာ
ထိုင်ကာ မှိုင်နေခြင်းဖြစ်သည်။
"ဟင်း"
"ဘာလို့ မေးတာမဖြေဘဲ သက်ပြင်းချည်းချနေတာလဲ?"
"အခုတလော 'အေး'ကိုကြည့်ရတာ စိတ်မချမ်းသာလို့"
"ဟင်?'အေး'ကဘာဖြစ်လို့လဲ?"
"ငါလည်း သေချာမသိဘူး..အခုတလောအခန်းထဲကနေ မထွက်ဘူး..ထမင်းလည်းမစားဘူး..နောက်တော့ ငါစိတ်မကောင်းဖြစ်မှာ
စိုးလို့တဲ့ နှစ်လုပ်လောက်ဘဲစားတယ်"
"...."
"ငါသူ့ကြည့်ရတာတမျိုးကြီးခံစားနေရတယ်...ငါ့ဘဝမှာ'အေး'အခုလိုဖြစ်တာ ပထမဆုံးမြင်ဖူးတာဘဲ"
ဖေဖေနဲ့မေမေဆုံးတုန်းကတောင် ဒီလောက်ထိမဖြစ်ဖူးဘူး။နှိုင်းမမှီ
လည်း နားမလည်နိုင်ဖြစ်နေသည်။သူချက်တာ ခံတွင်းမတွေ့ဘူး
ထင်ပြီး ဒေါ်လေးစောတို့အိမ်က ဟင်းသွားယူပြီးကျွေးကြည့်တယ်။
အရာတောင်မရွင်း။အခန်းထဲသွားချောင်းကြည့်မိရင်လည်း ဒူးပေါ်
လက်တင်ပြီး ကျုံ့ကျုံ့လေးထိုင်နေသည်။ညတွေ အိပ်ရောအိပ်ရဲ့
လားမသိ။
"သူ့အပြုအမူတွေကထူးဆန်းတယ်..ငါတော့နားမလည်နိုင်တော့ဘူး"
"ဝမ်းချုပ်နေလို့လားမသိ?"
ဖြောင်း!
ခါချဉ်ကတွေးဆဆဖြင့်ပြောတော့ နှိုင်းမမှီနားရင်းအုပ်လိုက်သည်။
"အား!ဘာလို့လာရိုက်နေတာလဲ?!"
"နင်ကပေါက်ကရတွေလျှောက်ပြောနေတာကို!"
"ငါလည်းငါထင်တာပြောတာလေ!"
"ဟူး..."
နှိုင်းမမှီခေါင်းရမ်းကာ ကန်ရေပြင်ဘက်ပြန်လှည့်လိုက်သည်။ခါချဉ်
ကတော့ ရိုက်ခံရတဲ့လည်ဂုတ်လေးကိုပွတ်ကာ ပွစိပွစိရေရွတ်နေတော့သည်။
YOU ARE READING
ေမာင့္ရင္ေအးေစခ်င္...(completed)
Romance🌺သူမ်ားေတြက အသက္႐ွဴမွားေလာက္ေအာင္လွတယ္တဲ့ 'ေအး'ကေတာ့ အသက္႐ွဴမရေလာက္ေအာင္ လွတယ္ 'ေအး'ရယ္🌺 🌺သူများတွေက အသက်ရှူမှားလောက်အောင်လှတယ်တဲ့ 'အေး'ကတော့ အသက်ရှူမရလောက်အောင် လှတယ် 'အေး'ရယ်🌺
