နေဝင်ရီသရောတိမ်တောက်ချိန်
လိမ္မော်ရင့်ရောင်ကောင်းကင်ပြင်ဝယ်
တိမ်စိုင်နီဖန့်ဖန့်တို့ဟာမြူးတူးရွေ့လျားလျက်
ပင်လယ်ပြာပြာမှရေတို့ဟာ
ကျွန်တော့်လည်သာဖိနပ်ပေါ်ဖြတ်ပြေးသည်က မထိတထိ
ပွင့်ချပ်ဖြူတို့ဖြင့်ခင်းသောချစ်သူ့လျောက်လမ်း
လျောက်လမ်းဘေးတွင်စီရီချထားသောနှင်းဆီဖြူတို့ဟာ
အစုလိုက်အရုံလိုက်တိုးဝှေ့ကာ ဝမ်းရံခစားသည်
သစ်နုရောင်ထိုင်ခုံလေးတွေဟာတဖက်တချက်စီဝယ်
အချက်ပြမှုတခုနှင့်အတူ
လွင့်ပျံလိုက်သောတီးလုံးဟာ
လေပြေညင်းတို့ကိုပါနွေးထွေးစေသည်
"So as long as I live I love you
will have and hold you
you look so beautiful in white 🎶
ကျွန်တော့်လက်များပင်တုန်လာသည်မှာသိသိသာသာ
လျောက်လမ်းထိပ်ကျွန်တော်နှင့်မလှမ်းမကမ်းခုံအမြင့်ပေါ်မှ အခန့်သားနေရာယူသည်ကVivienလေး
ဖဲပြားချည်ထားသောခြင်းလေးကိုပေါင်ပေါ်တင်ထိုင်ကာ နှင်းဆီပွင့်ချပ်များကိုကြဲနေဟန်မှာစုပ်ကာစုပ်ကာ
တသက်မှာတကြိမ်တည်းဖြစ်သောအခမ်းနားတခုမို့
ပန်းခင်းသောလမ်းအစဖောက်စေတဲ့
ပန်းကြဲသူလေးကိုလည်းVivienလေးကိုသာ
ဆောင်ရွက်စေလိုသည်က သူ့စိတ်ကူးလေးအတိုင်း
ပွင့်ချပ်တို့ကိုနင်းလာသည်က အနက်ရောင်လည်သာဖိနပ်လေး တနည်းဆိုရရင်ချစ်သူနဲ့ခြေလှမ်းလေးတွေ
ကျွန်တော်လက်နှစ်ဖက်ကိုတင်းတင်းစုပ်ကိုင်ကာ
စိတ်လှုပ်ရှားမှုကိုဖြေလျော့ဖို့ကြိုးစားသည်
အနည်းဆုံးတော့သူ့ရှေ့မှာမားမားမတ်မတ်တည်ငြိမ်ရမည်မဟုတ်ပါလား
မဂ်လာသတို့သားကိုတွဲခေါ်လာသည်က ဖေဖေပင်
အဖြူရောင်suitလေးရယ် လည်ပင်းနားမှဖဲပြားနက်ရယ် စတိုင်ပန့်အမဲအကျပ်ရယ်ဟာ လှပသောခန္ဓကိုယ်သဏ္ဍန်နှင့်ဖြူဝင်းသောအသားရည်တို့တွင်ထင်ပေါ်စေသည်
ဖေဖေဟာကျွန့်တော်ထံသူ့ကိုလက်လွဲကမ်းပေးတော့
လက်ဖျားတို့ကိုခပ်ဖွဖွဆုပ်ကိုင်မိသည်
ရင်ခုန်သည် မြတ်နိုးသည် ချစ်သည်
ဒီလူသားလေးရဲ့အရာအားလုံးကိုပါပဲ
YOU ARE READING
AUTUMN BREEZE (✔️)
Fanficဒီစည်းကိုသာဖြတ်ခဲ့ဖို့ခေါင်းတချက်ညိတ်လှည့်ပါ ဆောင်လေပြေအေးတွေကြားတောင် နွေးသိမ့်စေရပါမယ် (💜 KookJin 💜) started date - 12th April/2022 end date-3rd May/2022
